තර්ස්ටන් විද්‍යාලයට ඉනිමක ජයක්

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කෑගල්ල ශාන්ත මේරී විද්‍යාලයට එරෙහිව ඉනිමක සහ ලකුණු 267 ක ජයක් ලබාගැනීමට කොළඹ තර්ස්ටන් විද්‍යාලය අද (4 වැනිදා) සමත්විය. මෙම තරගය තර්ස්ටන් විද්‍යාලයීය ක්‍රීඩාංගණයේදී පැවැත්විණි.

ජයවිහාන් මහවිතාන (106) සහ බවන්ත ජයසිංහ (නොදැවී 100) ශතක ලබාගනිමින් තර්ස්ටන් විද්‍යාලය වෙනුවෙන් පිත්තෙන් දස්කම් දැක්වූ අතර ශා.මේරී විද්‍යාලයීය පළමු ඉනිමේදී සඳරු ඩයස් කඩුලු 5 ක්ද දෙවැනි ඉනිමේදී අයේෂ් හර්ෂණ කඩුලු 7 ක්ද දවාගනිමින් පන්දුවෙන් දස්කම් දැක්වූහ.

ශා. මේරී විද්‍යාලය - පළමු ඉනිම - ඕවර 36.2 කදී සියලුදෙනා දැවී ලකුණු 64
(සඳරු ඩයස් 12/5, දසුන් ජයවර්ධන 17/2)

තර්ස්ටන් විද්‍යාලය - පළමු ඉනිම - ඕවර 50 කදී කඩුලු 6 ක් දැවී ලකුණු 374
(ජයවිහාන් මහවිතාන 106, බවන්ත ජයසිංහ නොදැවී 100, යොහාන් ලියනගේ 70, රනේෂ් සිල්වා 38, මලීෂ සේනානායක 130/3, ඉෂාන් වීරසූරිය 59/2)

ශා. මේරී විද්‍යාලය - දෙවැනි ඉනිම - ඕවර 15.3 කදී සියලුදෙනා දැවී ලකුණු 43
(අයේෂ් හර්ෂණ 07/7, යොහාන් ලියනගේ 15/2)