ඩඩ්ලි සේනානායක විදුහල අවසන් තරගයට

අන්තර් පාසල් වයස 19 න් පහළ ‘සිංගර් කුසලාන’ සීමිත ඕවර ක්‍රිකට් තරගාවලියේ III කොටසේ අවසන් මහ තරගයට සුදුසුකම් ලබාගැනීමට තෝලංගමුව ඩඩ්ලි සේනානායක විදුහල සමත් විය.

ගාල්ල විද්‍යාලේක විදුහලට එරෙහිව බණ්ඩාරගම මහජන ක්‍රීඩාංගණයේදී පැවැති අවසන් පූර්ව තරගයේදී කඩුලු 5 ක ජයක් වාර්තා කරමින් ඩඞ්ලි සේනානායක විදුහල තරගාවලියේ අවසන් මහ තරගයට සුදුසුකම් ලබාගත්තේය.

ජයග්‍රහණය සඳහා ලකුණු 152 ක ඉලක්කයක් හඹාගිය ඩඞ්ලි සේනානායක විදුහල ඕවර 37.5 ක් අවසානයේ කඩුලු 5 ක් දැවී එම ඉලක්කය පසුකර ගිය අතර එහිදී දක්ෂ පිතිහරඹයක නිතර වූ හර්ෂ කරුණාරත්න නොදැවී ලකුණු 78 ක් රැස්කරමින් සිය කණ්ඩායම ජයග්‍රහණය කරා රැගෙන ගියේය.

විද්‍යාලෝක විදුහල - ඕවර 44.3 කදී සියලු දෙනා දැවී 151
(අනුරාධ සම්පත් 73, මිහිඳු මධුෂාන් 31/4, චතුරංග ගුණසේකර 20/3)

ඩඩ්ලි සේනානායක විදුහල - ඕවර 37.5 කදී කඩුලු 5 ක් දැවී 155
(හර්ෂ කරුණාරත්න නොදැවී 78, ලක්ජිත් ජයවීර 28, පැතුම් හසරංග 24/2)