කමිල් මිශාර රාජකීය විදුහලට ජය ගෙනෙයි

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ තරගයකදී කෝට්ටේ ශ්‍රී ජයවර්ධනපුර මහා විද්‍යාලයට එරෙහිව කඩුලු 10 ක විශිෂ්ට ජයක් හිමිකර ගැනීමට කොළඹ රාජකීය විදුහල ඊයේ (11 වැනිදා) සමත්විය. මෙම තරගය කොළඹ රාජකීය විද්‍යාලයීය ක්‍රීඩාංගණයේදී පැවැත්විණි.

විශිෂ්ට පන්දු යැවීමක නිරතවූ කොළඹ රාජකීය විදුහලේ කමිල් මිශාර ලකුණු 05 කට කඩුලු 4 ක් දවාගනිමින් පන්දුවෙන් දස්කම් දැක්වීය. තෙවිඳු සෙනාතන සහ මනුල පෙරේරා කඩුලු 2 බැගින් දවාගැනීමට සමත්වූහ.

ශ්‍රී ජයවර්ධනපුර විදුහල - ඕවර 17.1 කදී සියලුදෙනා දැවී 53
(චමෝද් සුපුන් 22, කමිල් මිශාර 05/4, තෙවිඳු සෙනාතන 06/2, මනුල පෙරේරා 01/2)

රාජකීය විදුහල - ඕවර 9.5 කදී කිසිවකු නොදැවී 54
(ඉසුවර දිසානායත නොදැවී 35)