දිනුකගේ දස්කම් ශ්‍රීපාලියට ජය ගෙනෙයි

අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ හොරණ ශ්‍රීපාලි විදුහල සහ කොටුගොඩ ශ්‍රී පඤ්ඤානන්ද විදුහල අතර ශ්‍රීපාලි විදුහල් ක්‍රීඩාංගණයේදී පැවැති III කොටසේ තරගයෙන් ඉනිමක සහ ලකුණු 124 ක ජයක් වාර්තා කිරීමට ශ්‍රීපාලි විදුහල සමත් විය.

එහිදී පිත්තෙන් මෙන්ම පන්දුවෙන්ද එකසේ දස්කම් දැක්වූ දිනුක වන්නිආරච්චි ලකුණු 68 ක් රැස්කරමින් ලකුණු 40 කට කඩුලු 10 ක් දවාගත්තේය. එම විදුහලේම සුරේෂ් කෞෂාන් ලකුණු 92 ක් රැස්කරමින් දක්ෂ පිතිහරඹයක නිතර විය.

ශ්‍රීපාලි විදුහල් පළමු ඉනිම - ඕවර 78.5 කදී සියලු දෙනා දැවී 273
(සුරේෂ් කෞෂාන් 92, දිනුක වන්නිආරච්චි 68, සුපුන් නිම්නද 34, චමත් චමුපති 27, යසින්ත්‍ය සොමාල් 37/4, රවීෂ පිහාර 40/2, හංස හිරන්‍ය 39/2)

ශ්‍රී පඤ්ඤානන්ද විදුහල් පළමු ඉනිම - ඕවර 42.1 කදී සියලු දෙනා දැවී 94
(කවිඳු මධුරංග 31, ඉෂෝද්‍ය යෂෝහාර 20, දිනුක වන්නිආරච්චි 26/5, චමත් චමුපති 31/4)

ශ්‍රී පඤ්ඤානන්ද විදුහල දෙවැනි ඉනිම - ඕවර 28.5 කදී සියලු දෙනා දැවී 55
(ඉෂෝද්‍ය යෂෝහාර 16, දිනුක වන්නිආරච්චි 14/6, දිමුතු ලක්ෂාන් 20/3)

-036