තරිඳු - කෞමාල් වේල්ස් කුමරුවන්ට ජය ගෙනෙති

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කොළඹ ඉසිපතන විද්‍යාලයට එරෙහිව ඉනිමක සහ ලකුණු 33 ක ජයක් හිමිකර ගැනීමට මොරටුව වේල්ස් කුමර විද්‍යාලය අද (3 වැනිදා) සමත්විය. මෙම තරගය මොරටුව වේල්ස් කුමර විද්‍යාලයීය ක්‍රීඩාංගණයේදී පැවැත්විණි.

තරිඳු අමරසිංහගේ (155) ශතකයත් කෞමාල් නානායක්කාරගේ (05/6 සහ 56/4) කඩුලු 10 ත් හේතුවෙන් මොරටුව වේල්ස් කුමර විද්‍යාලයට ඉනිමක ජයක් ගෙන ඒමට සමත්වූහ.

වේල්ස් කුමර විද්‍යාලය - පළමු ඉනිම - ඕවර 59.4 කදී කඩුලු 7 ක් දැවී ලකුණු 297
(තරිඳු අමරසිංහ 155, දේවක පිරීස් 67, ප්‍රින්ස් ප්‍රනාන්දු 30, සිතුක ගුණවර්ධන 66/3, මදුශික සඳරුවන් 74/3)

ඉසිපතන විද්‍යාලය - පළමු ඉනිම - ඕවර 29 කදී සියලුදෙනා දැවී ලකුණු 74
(අශේන් ගුණවර්ධන 20, කෞමාල් නානායක්කාර 05/6, නදුක ප්‍රනාන්දු 13/2, කාවින්ද ද මෙල් 20/2)

ඉසිපතන විද්‍යාලය - දෙවැනි ඉනිම - ඕවර 84.1 කදී සියලුදෙනා දැවී ලකුණු 190
(රවිඳු රත්නායක 97, ලේෂාන් අමරසිංහ 26, ඉසුරු සඳමාල් 21, කෞමාල් නානායක්කාර 56/4, සුවත් මෙන්ඩිස් 76/3, ලක්ෂාන් පෙරේරා 21/2)