ජාත්‍යන්තර පාසල් ක්‍රිකට් ශූරතාව ලයිසියම්ට

ජාත්‍යන්තර පාසල් වයස 15 න් පහළ ක්‍රිකට් තරගාවලියේ ශූරතාව දිනාග නුගේගොඩ ලයිසියම් ජාත්‍යන්තර පාසල සමත් විය. පානදුර නගර සභා ක්‍රීඩාංගණයේදී පැවැති අවසන් මහ තරගයේදී ස්ටැෆඞ් ජාත්‍යන්තර පාසලට එරෙහිව ලකුණු 176 ක පහසු ජයක් වාර්තා කරමින් ලයිසියම් ජාත්‍යන්තර පාසල එම ශූරතාවට හිමිකම් කීවේය. 

ජයග්‍රහණය සඳහා ලකුණු 321 ක ඉලක්කයක් හඹාගිය ස්ටැෆඞ් ජාත්‍යන්තර පාසලේ පිතිකරුවන් ලකුණු 144 කට සීමා කිරීමට ලයිසියම් ජාත්‍යන්තර පාසලේ පන්දුයවන්නෝ සමත් වූහ. 

තනුජ අල්විහාර ලකුණු 29 කට කඩුලු 4 ක් දවාගනිමින් ස්ටැෆඞ් ජාත්‍යන්තර පාසලේ පිතිකරුවන් අසරණ කළ අතර ඒ සඳහා ඔහුට අනගි සහායක් දුන් දිමුතු දිසානායක ලකුණු 26 කට කඩුලු 2 ක් දවාගනිමින් පන්දුවෙන් දස්කම් දැක්වීය. 

දක්ෂ පිතිහරඹය නිරත වූ සෙනිඳු බණ්ඩාර (183) පළමුවෙන් පන්දුවට පහරදුන් ලයිසියම් ජාත්‍යන්තර පාසල වෙනුවෙන් ශතකයක් ලබාගැනීමට සමත් විය. 

ලයිසියම් ජාත්‍යන්තර පාසල - ඕවර 40 කදී කඩුලු 4 ක් දැවී 320 
(සෙනිඳු බණ්ඩාර 183, ලෂාන් ද මෙල් 78, යසිරු ද සිල්වා 20, අහමඞ් නූර්දීන් 23/2) 

ස්ටැෆඞ් ජාත්‍යන්තර පාසල - ඕවර 33 කදී සියලු දෙනා දැවී 144 
(නජිත් ගුණවර්ධන 22, අවිෂ්ක කොලොන්නෝවිට 22, සම්ප්‍රාස් ද සිල්වා 20, තනුජ අල්විහාර 29/4, දිමුතු දිසානායක 26/2)