චෙන්නායි පිල නැවතත් පළමු තැනට එයි

ඉන්දීය ප‍්‍රිමියර් ලීග් (අයි.පී.එල්.) විස්සයි20 ක‍්‍රිකට් තරගාවලියේ 37 වැනි තරගය ලෙස චෙන්නායි සුපර් කිංග්ස් පිල සහ රෝයල් චැලෙන්ජර්ස් බැංගලෝර් පිල අතර චෙන්නායිහිදී අද (04) පැවැති  දිනයේ පළමු තරගයෙන් ලකුණු 24 ක ජයක් ලැබූ චෙන්නායි පිල නැවතත් ප‍්‍රසාද ලකුණු සටහනේ පළමු ස්ථානයට පැමිණියේය.

චෙන්නායි පිල තරග 10 කට සහභාගි වී ජයග‍්‍රහණ 7 ක් සමගින් ප‍්‍රසාද ලකුණු 14 ක් ලබමින් ශුද්ධ ලකුණු වේගය අනුව නැවතත් පළමු ස්ථානයට පැමිණියේය.

රාජස්ථාන් රෝයල් පිල තරග 11 කදී ජයග‍්‍රහණ 6 ක් සමගින් ප‍්‍රසාද ලකුණු 14 ක් ලබා ඊයේ (03) පළමු ස්ථානයට පත්වුව ද අද නැවතත් දෙවැනි තැනට වැටුණි.

ලකුණු 149 ක ජයග‍්‍රාහි ඉලක්කය හඹාගිය බැංගලෝර් පිල  ඕවර 19.4 කදී ලකුණු 124 කට සීමා විය.  

විරාට් කෝලි (48) සහ දිනේෂ් කාර්තික් (23) සිවුවැනි කඩුල්ලට ලකුණු 63 ක සම්බන්ධතාවක් පවත්වමින් ප‍්‍රබල තත්ත්වයකට රැගෙන ආවද පසු පෙළ පිතිකරුවන් අසාර්ථක වීමෙන් පරාජය වැළද ගැනීමට සිදුවිය.

ප‍්‍රවේගකාරී පිතිකරු ඒ. බී. ඩිවිලියස් පන්දු 14 කදී හතරේ පහර 5 ක් සමගින් ලකුණු 21 ක් ලබා දැවී යෑම බැංගලෝර් පරාජයට ප‍්‍රධාන හේතුවක් විය.

සුරේෂ් රයිනා පන්දු 46 කදී හතරේ පහර 5 ක් සහ හයේ පහරක් සමගින් ලකුණු 52 ක් රැස්කරමින් චෙන්නායි ඉනිමේ වැඩිම ලකුණු ලාභියා බවට පත්විය.  

චෙන්නායි පිලේ ප‍්‍රවේගකාරී පිතකිරු බ්‍රෙන්ඩන් මැකලම් පන්දු 15 කදී හතරේ පහර 4 ක් සමගින් ලකුණු 20 ක් ලබා සිටියදී දෙවැනි කඩුල්ල ලෙස දැවී ගියේය.

ඞ්වේන් ස්මිත් පන්දු 6 කදී ලකුණු නොලබා දැවී යෑම චෙන්නායි පිලට දැඩි පාඩුවක් බවට පත්විය.

චෙන්නායි පිලේ නායක මහේන්ද්‍ර සිං දෝනි කාසියේ වාසිය ලබා පළමුව පන්දුවට පහර දීමට තීරණය කළේය.

චෙන්නායි සුපර් කිංග්ස් පිල - ඕවර 20 කදී කඩුලූ 9 ට 148
(බ්‍රෙන්ඩන් මැකලම් 20, සුරේෂ් රයිනා 52, ෆෆ් ඩූ ප්ලීසිස් 24, මහේන්ද්‍ර සිං 29, මඅචෙල් ස්ටාක් 24/3, ඬේවිඞ් විසි 29/2, හර්ෂාල් පටෙල් 19/2)

රෝයල් චැලෙන්ජර්ස් බැංගලෝර් පිල - ඕවර 19.4 කදී සියලූ දෙනා දැවී 124
(ඒ. බී. ඩිවිලියස් 21, විරාට් කෝලි 48, දිනේෂ් කාර්තික් 23, ඬේවිඞ් විසි 17, ඉෂ්වාර් පාන්ඬේ 28/2, අෂීෂ් නෙහෙරා 19/3, ඞ්වේන් බ‍්‍රාවෝ 17/2)   

-048