සීමිත ඕවර තරගාවලියට කොදෙව්වෝ එති
(දමින්ද විජේසූරිය)
විස්සයි-20 අන්තර්ජාතික තරග 3 කට සහ එක්දින තරගාවලියකට සහභාගි වීම සඳහා බටහිර ඉන්දීය කොදෙව් කණ්ඩායම ඔක්තෝබර් මාසයේදී ශ්‍රී ලංකාවට පැමිණෙයි.
ඔක්තෝබර් 13 වැනිදා ආරම්භ වන විස්සයි-20 අන්තර්ජාතික තරගාවලිය රංගිරි දඹුල්ල ක්‍රීඩාංගණයේදී පැවැත්වේ. ඔක්තෝබර් 20 වැනිදා ආරම්භ වන එක්දින තරගාවලිය පල්ලෙකැළේ අන්තර්ජාතික ක්‍රිකට් ක්‍රීඩාංගණයේදී පැවැත්වෙයි.
විස්සයි-20 තරග රාත්‍රී 7.00 ට ආරම්භ වන අතර එක්දින තරග පස්වරු 2.30 ට ආරම්භ කෙරේ.
තරග කාලසටහන
■ ඔක්තෝබර් 13 - පළමු විස්සයි-20 තරගය
■ ඔක්තෝබර් 15 - දෙවැනි විස්සයි-20 තරගය
■ ඔක්තෝබර් 17 - තුන්වැනි විස්සයි-20 තරගය
■ ඔක්තෝබර් 20 - පළමු එක්දින තරගය
■ ඔක්තෝබර් 23 - දෙවැනි එක්දින තරගය
■ ඔක්තෝබර් 26 - තුන්වැනි එක්දින තරගය
