සුරංග - සඳුනි මූලික වටයෙන්ම ඉවතට

විසි එක්වැනි පොදුරාජ්‍ය මණ්ඩලීය ක්‍රීඩා උළෙලේ සිවුවැනි දිනය වන අද (8 වැනිදා) පැවැති වෙඩි තැබීමේ ඉසව්වේ මීටර් 10 වායු පිස්තෝල පිරිමි සහ කාන්තා මූලික වටයේ තරගවලට සහභාගි වූ ශ්‍රී ලංකාවේ සුරංග ප්‍රනාන්දු සහ සඳුනි පෙරේරා එම තරගවල අවසන් වටයට සුදුසුකම් ලබාගැනීටම අපොහොසත් වූහ.

ලකුණු 563 ක් ලබාගත් සුරංග, මීටර් 10 වායු පිස්තෝල (පිරිමි) තරගයේ 9 වැනි ස්ථානයට පත්වූ අතර ලකුණු 404 ක් ලබාගත් සඳුනි, මීටර් 10 වායු පිස්තෝල (කාන්තා) තරගයේ 15 වැනි ස්ථානයට පත්වූවාය.

එම ඉසව්වල අවසන් මහ තරග සඳහා සුදුසුකම් ලබාගත හැක්කේ මූලික වටයේ තරගවලදී ඉහළම ලකුණු ලබාගන්නා ක්‍රීඩකයන් 8 දෙනාට සහ ක්‍රීඩිකාවන් 8 ට පමණක් බැවින් සුරංගට සහ සඳුනිට එම අවස්ථාව මඟහැරී ගියහ.

- 036