ෂාමල් කනිෂ්ඨ ටෙනිස් ශූරතාව දිනාගනී

ජාතික ටෙනිස් ශූරතාවලියේ කනිෂ්ඨ අංශයේ වයස 18 පහළ පිරිමි ශුරතාව දිනාගැනීමටට ෂමාල් දිසානායක අද (13 වැනිදා) සමත්විය. අවසන් මහ තරගයේදී තරග වට 2 - 0 ක් ලෙසික් නිශාංගන් නඩරාජා පරාජය කිරීමට ෂාමල් සමත් විය.

සඳුදා (12 වැනිදා) පැවැති පළමු අවසන් පූර්ව තරගයේදී තරග වට 2 - 0 ක් ලෙස අරිත වීරසිංහ පරාජය කරමින් ෂමාල් දිසානායක අවසන් මහ තරගයට සුදුසුකම් ලබාගත් අතර නිශාංගන් නඩරාජා අවසන් මහ තරගයට සුදුසුකම් ලබාගත්තේ දෙවැනි අවසන් පූර්ව තරගයේදී තරග වට 2 - 1 ලෙස ධනුෂ්ක අබේවර්ධන පරාජයට පත්කරමිනි.

මෙවර කණිෂ්ඨ අංශයේ ශූරයා බවට පත්වූ ෂමාල් දිසානායක පසුගිය වසරේද කණිෂ්ඨ අංශයේ ශූරතාවකට හිමිකම්කී කී‍්‍රඩකයෙකි.

වයස 18 පහළ පිරිමි අවසන් තරගයේ ප‍්‍රතිඵල

• ෂමාල් දිසානායක විසින් තරග වට 2 - 0 ක් ලෙස නිශාංගන් නඩරාජා පරාජය කරනු ලැබීය. (6/1, 6/2)

වයස 18 පහළ පිරිමි අවසන් පූර්ව වටයේ තරග ප‍්‍රතිඵල

• ෂමාල් දිසානායක විසින් තරග වට 2 - 0 ක් ලෙස අරිත වීරසිංහ පරාජය කරනු ලැබීය. (6/3, 6/2)
• නිශාංගන් නඩරාජා විසින් තරග වට 2 - 1 ලෙස ධනුෂ්ක අබේවර්ධන පරාජය කරනු ලැබීය. (6/1, 6/7, 7/6)

ඡායාරූපය : රොමේෂ් ධනුෂ්ක සිල්වා