(දමින්ද විජේසූරිය)
එල්.පී.එල්. හෙවත් “ලංකා ප්‍රිමියර් ලීග්“ තරගාවලියේ හයවැන්න නොවැම්බර් මාසයේදී පැවැත්වෙන බව ශ්‍රී ලංකා ක්‍රිකට් ආයතනය නිවේදනය කරයි. මෙම තරගාවලිය නොවැම්බර් මස 27 වැනිදා සිට දෙසැම්බර් 23 වැනිදා දක්වා පැවැත්වීමට නියමිතය.
තරගාවලිය අදියර වශයෙන් කොළඹ ආර්. ප්‍රේමදාස ක්‍රීඩාංගණයේදී, පල්ලෙකැළේ අන්තර්ජාතික ක්‍රිකට් ක්‍රීඩාංගණයේදී සහ රංගිරි දඹුල්ල අන්තර්ජාතික ක්‍රිකට් ක්‍රීඩාංගණයේදී පැවැත්වෙයි. තරගාවලියට සහභාගි වන කණ්ඩායම් සංඛ්‍යාව 5 ක් වන නමුත් එම කණ්ඩායම් මොනවාද යන්න තවමත් තහවුරු කර නැත. මේ වසරේ සිට තවත් කණ්ඩායමක් තරගාවලියට එකතුකර ගැනීම සම්බන්ධයෙන් ද සාකච්ඡා පැවැත්වෙමින් පවතින බව තරගාවලියේ අධ්‍යක්ෂ සමන්ත දොඩන්වල මහතා පැවසීය.
ලබන වසර මුලදී ශ්‍රී ලංකාවේදී සහ ඉන්දියාවේදී පැවැත්වෙන විස්සයි-20 ලෝක කුසලාන තරගාවලියට පොරතුව එල්.පී,එල්. තරගාවලිය පවත්වමින් එහි උපරිම වාසිය ශ්‍රී ලංකා ක්‍රීඩකයන්ට ලබාගැනීම, මෙම තරගාවලිය නොවැම්බර් - දෙසැම්බර් කාලසීමාවේදී පැවැත්වීමේ අරමුණ බවද දොඩන්වල මහතා පැවසීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
