(මාතලේ මහේෂ් කීර්තිරත්න සහ එම්. සෝමරත්න)
මාතලේ විජය විද්‍යාලය සහ මාතලේ ක්‍රිස්තුදේව විද්‍යාලය අතර “සොහොයුරන්ගේ සංග්‍රාමය“ එක් දින තරගය අගෝස්තු මස 7 වැනිදා මාතලේ බර්නාඩ් අලු‍විහාරේ ක්‍රීඩාංගණයේදී පැවැත්වේ.
2015 වසරෙන් පසුව විවිධ හේතුන් මත මෙම මහ ක්‍රිකට් තරගය පවත්වා නොමැත. එහෙත් “සොහොයුරන්ගේ සංග්‍රාමයේ“ ජයග්‍රාහකයන් සඳහා නව කුසලානයක් නිර්මාණය කරමින් තරගය නැවතත් ආරම්භ කිරීමට විදුහල් දෙකේ විදුහල්පතිවරු පියවර ගෙන ඇත.
මෙවර තරගයේ සත්කාරක පාසල ලෙස මාතලේ ක්‍රිස්තුදේව විද්‍යාලය කටයුතු කරයි. ඒ සඳහා අනුග්‍රහය ක්‍රිස්තුදේව විද්‍යාලයේ ආදි ශිෂ්‍ය සංගමයේ ක්‍රියාකාරී සභාපති මොහමඩ් සෆ්රි මහතා ඇතුළු නිලධාරීන්ගෙනි.
ක්‍රිස්තුදේව විද්‍යාලයේ ක්‍රිකට් පුහුණුකරුවන් ලෙස අසංක තොටගමුව සහ ගිමන්ත සේනානායක යන මහත්වරු කටයුතු කරති.
මෙවර ක්‍රිස්තුදේව විද්‍යාලයේ ක්‍රිකට් කණ්ඩායමට නායකත්වය ලබා දෙන්නේ චරිත් උමයන්ත වික්‍රමසිංහයි. උප නායකයා ලෙස සචින්ත හර්ෂමාල් වීරකෝන් කටයුතු කරයි.
විජය විද්‍යාලයේ ක්‍රිකට් පුහුණුකරු ලෙස තිංවක නිපුන් අබේරත්න මහතා කටයුතු කරයි. විජය විද්‍යාල කණ්ඩායම් නායකත්වය රන්දිප කොහොනගේට හිමිව ඇති අතර, උප නායක ලෙස විසල් බටකන්ද කටයුතු කරයි.
01. ක්‍රිස්තුදේව විදුහල් කණ්ඩායම ඇතුලු පුහුණුකරුවන් සමග
02. විජය විදුහල් කණ්ඩායම විදුහල්පති, නියේජ්‍ය විදුහල්පතිවරුන්, අචාර්ය මණ්ඩලය, පුහුණුකරුවන් සමග
03. ක්‍රිස්තුදේව විද්‍යාලයේ නායක චරිත් උමයන්ත වික්‍රමසිංහ සහ විජය විදුහලේ නායක රන්දිප කොහොනගේ කුසලානය සමග.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
