ලුම්බිණියෙන් මහානාමයට ප්‍රහාරයක්

(ශානුක අරවින්ද)

ශ්‍රී ලංකා පාසල් රග්බි සංගමය සංවිධානය කරන ඩයලොග් පාසල් රග්බි ලීගයේ පළමු කොටසේ ‘බී’ කාණ්ඩය යටතේ අද (24 වැනිදා) පැවති තරගයකදී කොළඹ මහානාම විදුහලට එරෙහිව ලකුණු 20-13 ජයක් වාර්තා කිරීමට කොළඹ ලුම්බිණි විදුහල සමත් විය.

රත්මලාන ගුවන් හමුදා ක්‍රීඩාංගණයේදී පැවති මෙම තරගයේදී ලුම්බිණි විදුහල ගෝල දිනුමක්, උත්සාහක දිනුම් 2 ක් සහ දඬුවම් පහරක් මගින් ලකුණු ලබා ගත්තේය. මහානාම විදුහල එහිදී ලකුණු ලබා ගත්තේ ගෝල දිනුමක් සහ දඬුවම් පහර 2 ක් මගිනි.

මහානාම විදුහල මෙවර තරගාවලියේදී සහභාගි වූ තෙවැනි තරගය මෙය වූ අතර එහිදී ලැබූ දෙවැනි පරාජයද මෙය විය. මේ දක්වා තරග 4 කට සහභාගි වී ඇති ලුම්බිණී විදුහල එහිදී ලැබූ පළමු ජය මෙය විය.