රාජකීය විදුහල සහ ගල්කිස්ස සාන්ත තෝමස් විදුහල අතර මයිකල් ගුණරත්න කුසලානය වෙනුවෙන් පැවැත්වෙන වාර්ෂික රග්බි තරගයේ රන් අනුග්‍රාහකයා වශයෙන් ‘යාඩ්ලි‘ සන්නාමය ඉදිරියට පැමිණ තිබේ. මෙම අනුග්‍රාහකත්වය මගින් විදුහල් දෙකේම රග්බි ක්‍රීඩාවට පිවිස සිටින තරුණයින්ට අවශ්‍ය චිත්ත ධෛර්යය මෙන්ම ක්‍රීඩාශීලීත්වය ඉදිරියට ගෙන යාම ‘යාඩ්ලි‘ සන්නාමය ගෙනෙන යූ.ටී.එන්. (පුද්ගලික) වෙළෙඳ සමාගමේ අභිප්‍රායයි.
‘යාඩ්ලි‘ යනු සුවඳ විලවුන් ක්ෂේත්‍රෙය් ලෝක ප්‍රසිද්ධ වෙළඳ නාමයකි.
‘යාඩ්ලි‘ සුවඳ විලවුන් සඳහා ශ්‍රී ලංකාවේ එකම නියෝජිතයා වන්නේ යූ.ටී.එන්. (පුද්ගලික) වෙළෙඳ සමාගමයි. යූ.ටී.එන්. (පුද්ගලික) වෙළෙඳ සමාගමේ කළමණාකාර අධ්‍යක්ෂ උදය නිස්සංක මහතා සහ එහි සාමාන්‍යාධිකාරී දුශ්‍යන්ත ගමලත් මහතා විසින් සාන්ත තෝමස් විද්‍යාලයේ විදුහල්පති අසංග පෙරේරා මහතාට (ඡායාරූපයේ මැද) අනුග්‍රාහක චෙක්පත බාරදුන් අවස්ථාව
රාජකීය විදුහල සහ සාන්ත තෝමස් විදුහල අතර මයිකල් ගුණරත්න කුසලාන සඳහා වන රග්බි තරගය හෙට (2 වැනිදා) ගල්කිස්ස සාන්ත තෝමස් විද්‍යාලයීය පිටියේදී පැවැත්වෙයි. එය අන්තර් පාසල් පළමු කොටසේ ලීග් රග්බි තරගාවලියේ තරගයක් ද වෙයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
