(ශානුක අරවින්ද)
අන්තර් පාසල් පළමු කොටසේ රග්බි තරගාවලියේ හයවැනි සතිය යටතේ සෙනසුරාදා (20 වැනිදා) කොළඹ හැව්ලොක් ක්‍රීඩාංගණයේ පැවැති තරගයකදී මරදාන ශාන්ත ජොෂප් විදුහලට එරෙහිව ලකුණු 28-19 ක ජයක් වාර්තා කිරීමට කොළඹ රාජකීය විදුහල සමත් විය. මෙම ජයත් සමග තවදුරටත් සිය අපරාජිත බව රැකගැනීමටද රාජකීය විදුහලට හැකි විය.
පළමු අර්ධය නිමාවට පත්වන විට ලකුණු 12-07 ක් ලෙස පෙරමුණ ගැනීමට ශාන්ත ජෝෂප් විදුහල සමත් වුවද, දෙවැනි අර්ධයේදී දක්ෂ ලෙස තරගයට අවතීර්ණ වූ රාජකීයයෝ ලකුණු 21 ක් රැස්කරමින් තරගයේ ජය තමන් සතුකර ගත්හ. දෙවැනි අර්ධයේදී ශාන්ත ජෝෂප් ක්‍රීඩකයන්ට රැස්කරගත හැකි වූයේ ලකුණු 7 ක් පමණි.
හයවැනි සතිය යටතේ පැවැති සෙසු තරගවලදී ජයග්රහණ වාර්තා කිරීමට බම්බලපිටිය ශාන්ත පීතර, කොළඹ ඉසිපතන, කොළඹ වෙස්ලි, මහනුවර විද්‍යාර්ථ, මහනුවර ත්රිත්ව, ගස්කිස්ස සාන්ත තෝමස් සහ මහනුවර ධර්මරාජ විදුහල් සමත් වූ අතර එම තරගවලදී පිළිවෙලින් මරදාන සහිරා, කොළඹ ඩී.එස්. සේනානායක, මහනුවර කිංග්ස්වුඞ්, කොළඹ තර්ස්ටන්, කටුගස්තොට ශාන්ත අන්තෝනි, මහනුවර ශ්‍රී සුමංගල සහ ගල්කිස්ස විද්‍යා විදුහල් පරාජයට පත් විය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
