Last Update  :  2025-08-30 17:23:00 About Contact
Follow Us -
IMG-LOGO
නිවස්න පිටුව Othersports වෛද්‍ය ජනක ගල්ලන්ගොඩ අනුස්මරණ කුසලාන පැසිපන්දු තරග 30 දා රුහුණු විශ්වවිද්‍යාලයේදී

වෛද්‍ය ජනක ගල්ලන්ගොඩ අනුස්මරණ කුසලාන පැසිපන්දු තරග 30 දා රුහුණු විශ්වවිද්‍යාලයේදී

editorial - 2025 අගෝ මස 27 {{hitsCtrl.values.hits}} Views 0 Comment
A A A

රුහුණු විශ්වවිද්‍යාලයීය ආදි විද්‍යාර්ථයින් විසින් සංවිධාන කරනු ලබන වෛද්‍ය ජනක ගල්ලන්ගොඩ අනුස්මරණ කුසලාන ආරාධිත පැසිපන්දු තරගාවලිය මේ 30 වැනිදා පෙරවරු 8.00 සිට පස්වරු 6.00 දක්වා මාතර වැල්ලමඩම රුහුණු විශ්වවිද්‍යාලයේ ගෘහස්ථ ක්‍රීඩාංගණයේදී පැවැත්වේ.

දකුණු පළාතේ පාසල් 4ක ආදි ශිෂ්‍ය කණ්ඩායම් සහ විශ්වවිද්‍යාල කණ්ඩායමත් ගාල්ල ඒකාබද්ධ කණ්ඩායමත් මෙම තරගාවලියට සහභාගි වෙති. මාතර රාහුල, ගාල්ක රිච්මන්ඩ්, අම්බලන්ගොඩ ධර්මාශේක සහ ගාල්ල මහින්ද විදුහල්වලින් ආදි ශිෂ්‍ය කණ්ඩායම් එක් වෙති.

අනුස්මරණ තරගාවලියට අමතරව ප්‍රදර්ශන පැසිපන්දු තරග දෙකක් ද පැවැත්වේ. ධර්මාශෝක විදුහල් බාලිකා අවුරුදු 20න් පහළ කණ්ඩායම සහ රුහුණු විශ්වවිද්‍යාල කාන්තා කණ්ඩායම පළමු ප්‍රදර්ශන තරගයත් රුහුණු විශ්වවිද්‍යාලයේ අවුරුදු 50 ඉක්මවූ ආදි විද්‍යාර්ථයින්ගෙන් සැදුම්ලත් විශ්වවිද්‍යාලයීය කණ්ඩායම් දෙකක් අතර දෙවැනි ප්‍රදර්ශන තරගයත් ද පැවැත්වේ.

තරගාවලියේ ප්‍රධාන ආරාධිතයා ලෙස රුහුණු විශ්වවිද්‍යාලයේ වෛද්‍ය පීඨාධිපති මහාචාර්ය තිලක් වීරරත්න මහතා සහභාගිවීමට නියමිතය. තරගාවලියේ ශූරයන්ට කුසලානයක් සමඟ රුපියල් 30,000ක් ද අනුශූරයන්ට රු. 20,000ක් ද පිරිනැමෙන අතර, හොඳම ආක්‍රමණශීලි ක්‍රීඩකයාට සහ හොඳම ආරක්ෂක ක්‍රීඩකයාටත්  මුදල් ත්‍යාග සහ සම්මාන හිමිවනු ඇත.

මාතර රාහුල විද්‍යාලයේ දීප්තිමත් ආදි ශිෂ්‍යයකු වන ජනක ගල්ලන්ගොඩ මහතා එම විද්‍යාලයේ පැසිපන්දු, මලල ක්‍රීඩා, බැඩ්මින්ටන් හා හොකී ක්‍රීඩාවලින් විශිෂ්ට දස්කම් පෙන්වූ අයෙකි. පසුව රුහුණු විශ්වවිද්‍යාලයේ කරාපිටිය වෛද්‍ය පීඨයට අනුයුක්තවූ වෛද්‍ය ජනක ගල්ලන්ගොඩ මහතා 1992 වසරේ සිට 1998 දක්වා කරාපිටිය වෛද්‍ය පීඨයේ පැසිපන්දු  කණ්ඩායම අන්තර් විශ්වවිද්‍යාලයීය ජයග්‍රහණ රැසක් කරා මෙහෙයවීය. නුවරඑළියේ පැවැති ආණ්ඩුකාර කුසලාන ගොල්ෆ් තරගාවලිය ද ජයගත් ඒ මහතා සම්මානලාභී ඡායාරූප ශිල්පියෙක් ද විය.

ගල්ලන්ගොඩ මහතා පසුගිය වසරේ සිය දිවිගමනෙන් සමුගන්නා විට 55 වැනි වියේ පසුවූ අතර, ඔහු අනුස්මරණය කරමින් මෙම පැසිපන්දු තරගාවලිය දෙවසරකට වරක් පැවැත්වීමට කටයුතු යොදා තිබේ.


අදහස් (0)

වෛද්‍ය ජනක ගල්ලන්ගොඩ අනුස්මරණ කුසලාන පැසිපන්දු තරග 30 දා රුහුණු විශ්වවිද්‍යාලයේදී

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.