කොළඹ රාජකීය ගොල්ෆ් සමාජයේ සත්කාරකත්වය යටතේ ශ්‍රී ලංකා ගොල්ෆ් සංගමය වාර්ෂිකව සංවිධානය කළ රුක්මිණි කෝදාගොඩ කුසලාන ගොල්ෆ් තරගාවලියේ බාලක ශූරතාව දිනාගැනීමට රේෂාන් අල්ගමද, බාලිකා ශූරතාව දිනාගැනීමට කායා දළුවත්තද සමත් වූහ.
පෙරේරා සහ පුත්‍රයෝ පුද්ගලික සමාගමේ අනුග්‍රහය යටතේ පැවැති මෙම තරගාවලිය පැවැති අතර ඔවුන් තරගාවලියට අනුග්‍රහය දැක්වූ 11 වැනි අවස්ථාවද මෙය විය.
රුක්මිණි කෝදාගොඩ 1979 දී ශ්‍රී ලංකා ආධුනික ශූරතාව හා තවත් ක්‍රීඩා රැසකින් ජාතික මට්ටමේ ජයග්‍රහණ දිනා ගනිමින් සිය දක්ෂතා ප්‍රදර්ශනය කළාය. තවද 1990 සහ 1991 දී ශ්‍රී ලංකා කාන්තා ගොල්ෆ් සංගමයේ සභාපතිනිය ලෙසත්, කොළඹ රාජකීය ගොල්ෆ් සමාජයේ කාන්තා අංශයේ නායිකාව ලෙසත් ඇය කටයුතු කළාය.
ඇය කළ සේවයට ගෞරව දැක්වීමක් ලෙස මෙම තරගාවලිය වාර්ෂිකව පැවැත්වෙන අතර ශ්‍රී ලංකාව පුරා නැගී එන ගොල්ෆ් ක්‍රීඩා කුසලතා පෝෂණය කිරීම සහ සංවර්ධනය කිරීම මෙම තරගාවලිය සංවිධානය කිරීමේ අරමුණ වී තිබේ.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
