(ශානුක අරවින්ද)
ශ්‍රී ලංකා ටෙනිස් සංගමය සංවිධානත්වයෙන් එම සංගම් මූලස්ථාන ක්‍රීඩාංගණයේදී පැවැත්වෙන 111 වැනි ජාතික ටෙනිස් ශූරතාවලියේ කාන්තා කේවල අවසන් පූර්ව වටයට සුදුසුකම් ලබාගැනීමට දිනාරා ද සිලවා, යුහන්සා පීරිස් සහ නෙසංගි හේමකුමාර යන ක්‍රීඩිකාවෝ සමත් වූහ.
ක්‍රීඩිකාවන් 40 දෙනෙක් සහභාගි වූ කාන්තා කේවල ඉසව්වේ අර්ධ අවසන් පූර්ව වටයේදී වට 2-0 ක් ලෙස ගිත්මි ප්‍රනාන්දු පරාජය කරමින් දිනාරාද, දුල්කිනි නෙසන්සා පරාජය කරමින් යුහන්සාද, අකීෂා සිල්වා පරාජය කරමින් නෙසංගිද අවසන් පූර්ව වටයේ ස්ථාන වෙන්කරවා ගත්හ.
අර්ධ අවසන් පූර්ව වටයේ තවත් තරගයක් හෙට (22 වැනිදා) පැවැත්වීමට නියමිත අතර එහිදී සෙනුල්‍යා විජේවර්ධනට එරෙහිව වෙනුලි ජයසිංහ තරග බිමට පිවිසීමට නියමිතය. එම තරගයේ ජයග්‍රාහිකාවටද අවසන් පූර්ව වටයට පිවිසීමේ අවස්ථාව උදාවනු ඇත.
පළමු අවසන් පූර්ව තරගයේදී දිනාරා එරෙහිව යුහන්සා තරග වදින අතර එම තරගයද හෙට පැවැත්වීමට කටයුතු යොදා තිබේ. සෙනුල්‍යා සහ වෙනුලි අතර පැවැත්වෙන අර්ධ අවසන් පූර්ව තරගයේ ජයග්‍රාහිකාව, දෙවැනි අවසන් පූර්ව තරගයේදී නෙසංගිගේ ප්‍රතිවාදිනිය බවට පත්වනු ඇත.
කාන්තා කේවල අවසන් පූර්ව වටය
දිනාරා ද සිල්වා විසින් තරග වට 2-0 ක් ලෙස ගිත්මි ප්‍රනාන්දු පරාජය කරන ලදි. (6/2, 6/1)
යුහන්සා පීරිස් විසින් තරග වට 2-0 ක් ලෙස දුල්කිනි නෙසන්සා පරාජය කරන ලදි. (6/4, 6/3)
නෙසංගි හේමකුමාර විසින් තරග වට 2-0 ක් ලෙස අකීෂා සිල්වා පරාජය කරන ලදි. (6/4, 6/1)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
