Last Update  :  2025-08-30 17:23:00 About Contact
Follow Us -
IMG-LOGO
නිවස්න පිටුව Othersports අප්න - දිල්වන් : බිනුදි - හෙසාරා යුගල ශූරතා දිනති
ජාතික ටෙනිස් ශූරතාවලිය

අප්න - දිල්වන් : බිනුදි - හෙසාරා යුගල ශූරතා දිනති

editorial - 2025 අගෝ මස 25 {{hitsCtrl.values.hits}} Views 0 Comment
A A A

(ශානුක අරවින්ද) 

ශ්‍රී ලංකා ටෙනිස් සංගම් මුලස්ථාන ක්‍රීඩාංගණයේදී පැවැති 111 වැනි ජාතික ටෙනිස් ශූරතාවලියේ විවෘත පිරිමි යුගල ශූරතාව දිනාගැනීමට අප්න පෙරේරා සහ දිල්වන් හේරත්ද, කාන්තා යුගල ශූරතාව දිනාගැනීමට බිනුදි විජයවර්ධන සහ හෙසාරා නිසින්දිද සමත් වූහ. 

අවසන් මහ තරගයේදී ගනුක ප්‍රනාන්දුට සහ රෙහාන් ගුණවර්ධනට එරෙහිව නිතරග ජයක් ලබමින් අප්න සහ දිල්වන් පිරිමි යුගල ශූරතාවට හිමිකම් කීහ. කාන්තා යුගල ශූරතාවට හිමිකම් කීමට බිනුදි සහ හෙසාරා සමත් වූයේ අවසන් මහ තරගයේදී වට 2-1 ක් ලෙස සෙනුල්‍යා විජයවර්ධන සහ ටුවිනි ද අල්විස් පරාජය කරමිනි. 

අවසන් පූර්ව වටයේදී වට 2-0 ක් ලෙස හරීෂ්වර් ප්‍රේමේෂ්වරන් සහ ආහිල් කලීල් පරාජය කරමින් අප්න සහ දිල්වන් අවසන් තරගයට සුදුසුකම් ලබාගත්හ. ගනුක සහ රෙහාන් අවසන් තරගයට සුදුසුකම් ලබාගත්තේ පූර්ව වටයේදී වට 2-1 ක් ලෙස ලිතුම් ජයබන්දු සහ සංඛ අතුකෝරල පරාජය කරමිනි. 

අවසන් පූර්ව වටයේදී වට 2-1 ක් ලෙස ආන්‍යා නෝබට් සහ විනෙත්‍යා ධර්මරත්න පරාජය කිරීමට සෙනුල්‍යා සහ ටුවිනි සමත් වෙද්දී, වට 2-1 ක් ලෙස වෙනුලි ජයසිංහ සහ සඳින්ති උස්ගොඩාරච්චි පරාජය කිරීමට බිනුදි සහ හෙසාරා සමත් වූහ. 

 

විවෘත පිරිමි යුගල අවසන් මහ තරගය 

ගනුක ප්‍රනාන්දු සහ රෙහාන් ගුණවර්ධන හමුවේ අප්න පෙරේරා සහ දිල්වන් හේරත් නිතරග ජයක් ලැබූහ. 

 

විවෘත කාන්තා යුගල අවසන් මහ තරගය 
බිනුදි විජයවර්ධන සහ හෙසාරා නිසින්දි විසින් තරග වට 2-1 ක් ලෙස සෙනුල්‍යා විජයවර්ධන සහ ටුවිනි ද අල්විස් පරාජය කරන ලදි. (6/3, 3/6, 10/7) 


අදහස් (0)

අප්න - දිල්වන් : බිනුදි - හෙසාරා යුගල ශූරතා දිනති

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.