(ශානුක අරවින්ද)
ශ්‍රී ලංකා ටෙනිස් සංගමය සංවිධානත්වයෙන් එම සංගම් මූලස්ථාන ක්‍රීඩාංගණයේදී පැවැත්වෙන 111 වැනි ජාතික ටෙනිස් ශූරතාවලියේ පිරිමි කේවල අවසන් පූර්ව වටයට සුදුසුකම් ලබාගැනීමට අප්න පෙරේරා, ගනුක ප්‍රනාන්දු, දුමිඳු දිලුම් සහ අෂේන් සිල්වා යන ක්‍රීඩිකාවෝ සමත් වූහ.
ක්‍රීඩකයන් 64 දෙනෙක් සහභාගි වූ පිරිමි කේවල ඉසව්වේ අර්ධ අවසන් පූර්ව වටයේදී වට 2-0 ක් ලෙස ආහිල් කලීල් පරාජය කරමින් අප්නද, ලිතුම් ජයබන්දු පරාජය කරමින් දිලුම්ද, විචින්ත්‍ය නිලවීර පරාජය කරමින් අෂේන්ද අවසන් පූර්ව වටයේ ස්ථාන වෙන්කරවා ගත්හ.
ගනුක අවසන් පූර්ව වටයට පිවිසියේ ඔහු සහ අෂ්ලින් ද සිල්වා අතර පැවැති තරගය අතරමැද අෂ්ලින් අබාධයකට ලක්ව තරගයෙන් ඉවත් වීම හේතුවෙනි. ඒ වන විට පළමු වටයේ ලකුණු 1-0 ක් ලෙස ගනුක ඉදිරියෙන් සිටියේය.
පළමු අවසන් පූර්ව තරගයේදී අප්නට එරෙහිව ගනුක තරග වදින අතර දෙවැනි අවසන් පූර්ව තරගයේදී දිලුම්ට එරෙහිව අෂේන් තරග බිමට පිවිසෙනු ඇත. අවසන් පූර්ව වටයේ තරග පැවැත්වීම සඳහා තවමත් දිනයක් නියම කර නෙැමැත.
පිරිමි කේවල අවසන් පූර්ව වටය
අප්න පෙරේරා විසින් තරග වට 2-0 ක් ලෙස ආහිල් කලීල් පරාජය කරන ලදි. (6/3, 6/2)
අෂ්ලින් ද සිල්වා තරගයෙන් ඉවත්වීම හේතුවෙන් ගනුක ප්‍රනාන්දු නිතරග ජයක් ලැබීය.
දුමිඳු දිලුම් විසින් තරග වට 2-0 ක් ලෙස ලිතුම් ජයබන්දු පරාජය කරන ලදි. (6/1, 6/4)
අෂේන් සිල්වා විසින් තරග වට 2-0 ක් ලෙස විචින්ත්‍ය නිලවීර පරාජය කරන ලදි. (6/3, 6/0)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
