(ශානුක අරවින්ද)
රත්මලාන ගුවන් හමුදා ස්කොෂ් ක්‍රිඩා සංකීර්ණයේදී පැවැති 36 වැනි ජාතික කනිෂ්ඨ ස්කොෂ් ශූරතාවලියේ ශූරයා ලෙස කොළඹ රාජකීය විදුහලේ මතීෂ විජේසේකරද, ශූරිය ලෙස කොළඹ කාන්තා විදුහලේ නෙත්මි වික්‍රමසිංහද සම්මාන දිනාගත්හ.
වයස 19 න් පහළ බාලක අවසන් තරගයේදී වට 3-0 ක් ලෙස තම පාසලේම තරුල් පින්වත්ත පරාජය කරමින් මතීෂ මෙවර ජාතික කනිෂ්ඨ ශූරයා බවට පත් විය. එම තරගයේ පළමු වටය ලකුණු 11/4 ක් ලෙස ජයගත් මතීෂ, දෙවැනි සහ තෙවැනි වට ජයගත්තේ ලකුණු 11/7 ක් ලෙසිනි.
නෙත්මි මෙවර ජාතික කනිෂ්ඨ ශූරිය බවට පත් වූයේ ඉතා තියුණු තරගයකින් අනතුරුව වයස 19 න් පහළ බාලිකා අවසන් තරගයේදී කොළඹ ලින්ඩ්සේ බාලිකා විදුහලේ රන්ලියා වුඩ් පරාජය කරමිනි. නෙත්මි ජාතික කනිෂ්ඨ ශූරිය බවට පත් වූ පළමු අවස්ථාවද මෙය විය.
තරගාවලියේ නැගී එන ක්‍රීඩකයා ලෙස වයස 17 න් පහළ අනු ශූරතාව සහ 19 න් පහළ සිවුවැනි ස්ථානය හිමිකර ගත් කොළඹ රාජකීය විදුහලේ කෙමිත හෙට්ටිආරච්චි සම්මාන ලැබූ අතර නැගී එන ක්‍රීඩිකාව ලෙස වයස 15 න් පහළ ශූරතාව සහ වයස 17 න් පහළ සිවුවැනි ස්ථානය හිමිකර ගත් ගේට්වේ ජාත්‍යන්තර පාසලේ චනුමි නිම්තරා සම්මාන දිනා ගත්තාය.
ශ්‍රී ලංකා ස්කොෂ් සම්මේලය සංවිධානය කළ මෙම තරගාවලියේ ප්‍රධාන අනුග්‍රාහකයා ලෙස සිලෝන් බිස්කට් සමාගමේ රිස්බරී චොකලට් වෙළෙඳ නාමය කටයුතු කළේය. තරගාවලියේ ත්‍යාග ප්‍රධානෝත්සවය සඳහා ප්‍රධාන ආරාධිතයා ලෙස සිලෝන් බිස්කට් සමාගමේ සහකාර සන්නාම කළමනාකරු දුලංජන් අබේසේකර මහතා සහභාගි විය.
බාලක තරග ප්‍රතිඵල
වයස 9 න් පහළ
ශූරතාව - ප්‍රණාම් අක්ෂන (කොළඹ රාජකීය විදුහල)
අනු ශූරතාව - සොහෙබ් ඩීන් (කොළඹ ඩී.එස්. සේනානායක විදුහල)
වයස 11 න් පහළ
ශූරතාව - රනුක් මෙන්ඩිස් (ගේට්වේ ජාත්‍යන්තර පාසල)
අනු ශූරතාව - කෙනුල හිරුසර (කොළඹ ඩී.එස්. සේනානායක විදුහල)
වයස 13 න් පහළ
ශූරතාව - අකේන් කෝනාර (ගල්කිස්ස සාන්ත තෝමස් විදුහල)
අනු ශූරතාව - හාෂිඩ් අමීර් (ලෝරි ජාත්‍යන්තර පාසල)
වයස 15 න් පහළ
ශූරතාව - මනුත් සන්දිර (ගේට්වේ ජාත්‍යන්තර පාසල)
අනු ශූරතාව - නෙවන් රූබසිංහ (කොළඹ රාජකීය විදුහල)
වයස 17 න් පහළ
ශූරතාව - මනුත් සන්දිර (ගේට්වේ ජාත්‍යන්තර පාසල)
අනු ශූරතාව - කෙමිත හෙට්ටිආරච්චි (කොළඹ රාජකීය විදුහල)
වයස 19 න් පහළ
ශූරතාව - මතීෂ විජේසේකර (කොළඹ රාජකීය විදුහල)
අනු ශූරතාව - තරුල් පින්වත්ත (කොළඹ රාජකීය විදුහල)
බාලිකා තරග ප්‍රතිඵල
වයස 9 න් පහළ
ශූරතාව - සියාති ගුණතිලක (කොළඹ විශාකා විදුහල)
අනු ශූරතාව - සනුලි යහන්සා (ගම්පහ සුමේද විදුහල)
වයස 11 න් පහළ
ශූරතාව - මිතාලි සිල්වා (කොළඹ විශාකා විදුහල)
අනු ශූරතාව - සයුරි ද සිල්වා (කොළඹ කාන්තා විදුහල)
වයස 13 න් පහළ
ශූරතාව - දිනිත්මා මිහේලි (කොළඹ සිරිමාවෝ බණ්ඩාරනායක විදුහල)
අනු ශූරතාව - නෙතන්‍යා වික්‍රමසිංහ (කොළඹ කාන්තා විදුහල)
වයස 15 න් පහළ
ශූරතාව - චනුමි නිම්තරා (ගේට්වේ ජාත්‍යන්තර පාසල)
අනු ශූරතාව - ශස්මින් බූසෝ (මිලාගිරිය ශාන්ත පාවුලු බාලිකා විදුහල)
වයස 17 න් පහළ
ශූරතාව - ශස්මින් බූසෝ (මිලාගිරිය ශාන්ත පාවුලු බාලිකා විදුහල)
අනු ශූරතාව - නෙත්මි වික්‍රමසිංහ (කොළඹ කාන්තා විදුහල)
වයස 19 න් පහළ
ශූරතාව - නෙත්මි වික්‍රමසිංහ (කොළඹ කාන්තා විදුහල)
අනු ශූරතාව - රන්ලියා වුඩ් (කොළඹ ලින්ඩ්සේ බාලිකා විදුහල)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
