හතළිස් එක්වැනි ජාතික කී්රඩා උළෙලේ පිහිනුම් තරගාවලියේ දෙවැනි දිනය වූ ඊයේ (ඉරිදා) නව තරග වාර්තා 4 ක් පිහිටුවන ලදි. ඒ අනුව පෙරේදා පිහිටුවන ලද වාර්තා 5 ද සමගින් තරගාවලිය අවසන් වන විට නව වාර්තා 9 ක් බිහිවී තිබිණ.
ඉරිදා බිහිවූ පළමු තරග වාර්තාවට හිමිකම් කීමට මධ්යම පළාතේ අයි. එම්. අබේරත්න සමත් වූ අතර පිරිමි මීටර් 1500 නිදහස් ආර ඉසව්ව විනාඩි 18.12:64 කින් අවසන් කරමින් ඔහු එම වාර්තාව පිහිටුවීය. විනාඩි 18.19:61 කින් තරගය අවසන් කරමින් බස්නාහිර පළාතේ එස්. මධුරගනන් 2006 වසරේදී එහි පැරණි වාර්තාව පිහිටුවා තිබිණ.
2012 වසරේදී මීටර් 400 කාන්තා නිදහස් ආර ඉසව්ව විනාඩි 5.01:20 කින් නිමා කරමින් බස්නාහිර පළාතේ එම්. රහීම් පිහිටුවා තිබූ වාර්තාව බිඳ දැමීමට බස්නාහිර පළාතේම කී්රඩිකාවක වූ ජේ. යූ. අයි. සිල්වා සමත් වූවාය. ඒ සඳහා ඇයට විනාඩි 4.59:84 ක කාලයක් වැය වී තිබිණ.
විනාඩි 2.12:11 කින් මීටර් 200 පිරිමි සමනළ ආර තරගය නිමාකළ මධ්යම පළාතේ කේ. පී. ද සිල්වා එම ඉසව්වේ පැරණි වාර්තාව (විනාඩි 2.19:95) බිඳ දැමීමට සමත් විය. එහි පැරණි වාර්තාව 1997 වසරේදී ජෙෆාරි. දුලපන්දන් විසින් පිහිටුවා තිබිණ.
මීටර් 200X4 පිරිමි නිදහස් ආර සහය පිහිනුම් තරගය විනාඩි 1.44:99 කින් නිමා කරමින් 2009 වසරේදී මධ්යම පළාත් කණ්ඩායම පිහිටුවා තිබූ වාර්තාවද ඉරිදා බිඳ වැටුණ අතර එහි නව වාර්තාවට (විනාඩි 1.43:00) හිමිකම් කීමට බස්නාහිර පළාත් කණ්ඩායම සමත් විය. රනිඳු ජයතිලක, යහියා ජෆාර්, රාහුල් සමරකෝන් සහ දිලංක ෂෙහාන් එම තරගයේදී බස්නාහිර පළාත් කණ්ඩායම නියෝජනය කළහ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
