කොළඹ රාජකීය විද්‍යාලයේ ඩී. තෙසත් කේමිත හපුආරච්චි ස්කොෂ් පිටියේ නැගී එන තරුවකි. රාජකීය විද්‍යාලයේ 11වැනි වසරේ ඉගෙනුම ලබන තෙසත් පසුගිය සති අන්තයේදී නිමාවට පත් 36 වැනි ජාතික ස්කොෂ් තරගාවලියේදී අනාගතය සඳහා වඩාත්ම බලාපොරොත්තු සාහගත කනිෂ්ඨ ස්කොෂ් ක්‍රිඩකයාට හිමි සම්මානය දිනාගත්තේය.
ජාතික ශූරතාවලියේදී 17 න් පහළ වයස් කාණ්ඩයේ අනුශූරතාව දිනාගත් තෙසත් තමන්ට වඩා වයසින් වැඩි ක්‍රීඩකයන් හා තරග වදිමින්, 19 න් පහළ වයස් කාණ්ඩයේ සිව්වැනි ස්ථානයට පත්විය.
තෙසත් ස්කොෂ් ක්‍රිඩාව තෝරා ගත්තේ ඔහුට යන්තම් වයස අවුරුදු 9 ක් වැනි කුඩා වයසකදීය. කුඩා කාලයේ පටන් මේ දක්වා ඔහුගේ එකම පුහුණුකරු වන්නේ කොළඔ රාජකීය විද්‍යාලයේ පුහුණුකරුවා වන මහේෂ් චන්දන මහාතාය.
තෙසත් මේ වන විටත් ශ්‍රි ලංකාව නියෝජනය කරමින් සිව් වතාවක් ආසියානු කනිෂ්ඨ ස්කොෂ් තරගාවලි සදහා සහභාගි වි ඇත. 2022 වර්ෂයේ සිට 2025 වසර දක්වා තායිලන්තය, චීනය, පාකීස්තානය සහ දකුනු කොරියාව වැනි රටවලදී ස්කොෂ් තරග වලට සහභාගි වී තිබේ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
