(කරන්දෙණිය එම්.සුසිල් ප්‍රියන්ත)
ජාතික චෙස් ශූරතාවලියේ පිරිමි ශූරතාව ධනුෂ්ක බණ්ඩාර විසින් දිනා ගන්නා ලදි. අම්බලන්ගොඩ ධර්මාශෝක විද්‍යාලයේ එම්. එසඳි නෙවන්සා කාන්තා ශූරතාව දිනා ගත්තාය. ශ්‍රී ලංකා චෙස් සම්මේලනය සංවිධානය කළ මෙම තරගාවලිය ජූලි මස 18 වැනිදා සිට 28 වැනිදා දක්වා, අදියර දෙකකින්, කොළඹ ක්‍රීඩා අමාත්‍යාංශ ශ්‍රවණාගාරයේදී පැවැත්විණ.
පිරිමි ශූරතාවලියේදී ධනුෂ්ක බණ්ඩාර තරග වට 13න් ලකුණු 9.5 ක් ලබාගත්තේය. කාන්තා ශූරතාවලියේදී එම්. එසඳි නෙවන්සා තරග වට 13 න් ලකුණු 10.5 ක් ලබාගනිමින්
ජාතික චෙස් ශූරිය ලෙස ද අභිසෙස් ලැබුවාය.
ධනුෂ්ක බණ්ඩාර මෙන්ම එසදි නෙවන්සා ද ජාතික චෙස් ශූරතා දිනාගත් පළමු අවස්ථාව මෙය වන අතර ගිය වසරේ ජාතික චෙස් ශූරයාවූ රනිදු දිල්ෂාන් ලියනගේ මෙවර ඉදිරිපත් නොවීමත් ගිය වර ජාතික චෙස් ශූරියවූ ඔෂිනි දේවින්දයා ගුණවර්ධනට මෙවර තෙවැනි ස්ථානයෙන් සෑහීමට පත්වීමට සිදුවීමත් විශේෂයෙන්ම කැපී පෙණුනි.
ජාතික ශූරතාවලියේ අවසන් වටය සඳහා ක්‍රීඩිකාවෝ 14 දෙනෙක් ද ක්‍රීඩකයෝ 14 දෙනෙක් ද සහභාගි වූහ. කාන්තා සහ පිරිමි තරගාවලි දෙකම ලීග් පදනම මත පැවැත්විණ.
පිරිමි තරගාවලියේදී තරග වට 13 න් ලකුණු 8.5 ක් ලබාගත් දිසල් නිම්සරට අනු ශූරතාව හිමි විය. ලකුණු 8ක් ලබාගත් ෂාමේන් කලුආරච්චි එහි තෙවැනි ස්ථානයත් දිනා ගත්තේය.
කාන්තා තරගාවලියේදී ලකුණු 10.5 බැගින් සම ලකුණු ලබාගත් අම්බලන්ගොඩ ධර්මාශෝක විද්‍යාලයේ එම්.එසදි නෙවන්සා සහ කොළඹ මියුසියස් බාලිකා විද්‍යාලයේ සනුදුලා දහම්දි සම ශූරියන්වුවත් චෙස් ක්‍රීඩාවේ සම තත්ත්වය බිදීමේ කමවේදයේදී එම්.එසදි නෙවන්සාට ශූරතාවත් සනුදුලා දහම්දීට අනු ශූරතාවත් හිමිවිය. ලකුණු 9.5ක් ලබාගත් කොළඹ විචර්ලි ජාත්‍යන්තර පාසලේ ඔෂිනී දේවින්දයා ගුණවර්ධනට තෙවැනි ස්ථානයත් හිමිවිය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
