(රජන්ත බමුණුකොටුව)
ශ්රී ලංකා ක්රිකට් ආයතනයේ අනුග්රහය ඇතිව ශ්රී ලංකා පාසල් ක්රිකට් සංගමය විසින් සංවිධානය කරනු ලබන වයස අවුරුදු 19න් පහළ අන්තර් පාසල් දෙදින ක්රිකට් තරගාවලියේ තරගයකදී ඉනිමක කඩුලු 10 ම දවාලීමට හේනේගම මධ්ය මහා විද්යාලයේ හිරුෂ ප්රේමරත්න සමත්විය.
ගොඩිගමුව එම්.බී. ක්රීඩාංගණයේ පැවැති මෙම තරගයේදී හේනේගම මධ්ය මහා විද්යාලය විසින් ගලහිටියාව මධ්ය මහා විද්යාලයට එරෙහිව ඉනිමක සහ ලකුණු 50 ක ජයක් වාර්තා කරන ලදි.
පළමු වටයේ තරගයකදී හේනේගම මධ්ය මහා විද්යාලයේ වමත් පා දඟ පන්දු යවන හිරුෂ ප්රේමරත්න ගලහිටියාව මධ්ය මහා විද්යාල දෙවැනි ඉනිමේදී ලකුණු 68කට කඩුලු 10 ම දවාලීය. හිරුෂ ප්රේමරත්න පළමු ඉනිමේදී ලකුණු 32 කට කඩුලු 6ක් දවාලමින් තරගයේදී කඩුලු 16 ක් දවාලීය.
හේනේගම මධ්ය මහා විද්යාලය - පළමු ඉනිම 286 යි
(දෙසිඳු දින්සර 90, යෙනෙතු දෙනුවන් 33, මතීෂ නේමින්දර 29, හර්ෂිත ආකාශ් 26, ජනිත් දෙනුවන් 58/3, පසන් වෙනුසර 33/2, සඳුල් සිතුමිණ 48/2, ගගන ප්රභාෂ්වර 59/2)
ගලහිටියාව මධ්ය මහා විද්යාලය - පළමු ඉනිම 102 යි
(අයේන් සස්මිත 43, හිරුෂ ප්රේමරත්න 32/6, යෙනෙතු දෙනුවන් 13/2, දෙසිඳු දින්සර 27/2)
ගලහිටියාව මධ්ය මහා විද්යාලය - දෙවැනි ඉනිම - 134
(හිරුෂ ප්රේමරත්න 68/10)
හිරුෂ ප්රේමරත්න
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
