ශ්‍රී ලංකා නැඟී එන පිල ඇන්ටිගුවා යයි
ශ්‍රී ලංකා නැගී එන ක්‍රිකට් කණ්ඩායම ලබන මස මැද භාගයේදී ඇන්ටිගුවා දිවයිනේ තරග සංචාරයකට සහභාගි වීමට නියමිතය. බටහිර ඉන්දීය දූපත් සමූහයට අයත් ඇන්ටිගුවා දිවයිනේදී පැවැත්වෙන මෙම තරගාවලියට සිව්දින (පළමු පෙළ) තරග දෙකක් සහ නිල නොවන එක්දින තරග 3 ක් ඇතුළත් වේ.
සිව්දින තරග දෙකම ඇන්ටිගුවා දිවයිනේ කූලිජ් ක්‍රිකට් ක්‍රීඩාංගණයේදී පැවැත්වෙයි. එක්දින තරග තුනම ශ්‍රීමත් විවියන් රිචඩ්ස් ක්‍රීඩාංගණයේදී පැවැත්වේ.
කොදෙව් නැඟී එන කණ්ඩායමේ පුහුණුකරු වශයෙන් කටයුතු කරන්නේ ශ්‍රී ලාංකිකයකු වන රමේෂ් සුබසිංහ මහතාය.
තරග කාලසටහන
ජූනි 7 - 10 : පළමු සිව්දින තරගය
ජූනි 14 - 17 : දෙවැනි සිව්දින තරගය
ජූනි 21 : 1 වැනි එක්දින තරගය
ජූනි 24 : 2 වැනි එක්දින තරගය
ජූනි 26 : 3 වැනි එක්දින තරගය
