නවිඳු නිර්මාල් පෙරමුණ තහවුරු කරගනී

‘ඩයලොග් 4G - සන්ඩේ ටයිම්ස්’ වසරේ ජනප්‍රියම පාසල් ක්‍රීඩකයා තේරීමේ තරගයේ (2017) හත්වැනි සතිය නිමාවන විට ඡන්ද 37,394 ක් ලබා ගනිමින් සමස්ථ ලංකා පාසල් කාණ්ඩයේ පෙරමුණ රැකගැනීමට ගාල්ල ශාන්ත ඇලවීෂියස් විදුහලේ නවිඳු නිර්මාල් සමත්ව සිටියි. ගෙවී ගිය සතිය තුළදී ලබාගත් ඡන්ද 22,550 ත් සමගින් නවිඳු නිර්මාල් පෙරමුණේ ස්ථානය තහවුරු කරගැනීමට සමත්ව තිබේ.

සමස්ථ ලංකා පාසල් කාණ්ඩයේ දෙවැනි ස්ථානයේ පසුවන මරදාන සහිරා විදුහලේ මොහොමඞ් නජාත්, මේ වන විට ඡන්ද 30,253 ක් ලබා සිටින අතර ගෙවී ගිය සතිය තුළදී ඔහු සිය ඡන්ද ගොන්නට අලුතින් එක්කරගෙන ඇති ඡන්ද සංඛ්‍යාව 16,950 කි. ඒ අනුව ඡන්ද සටහනේ පෙරමුණේ පසුවන නවිඳු සහ දෙවැනි ස්ථානයේ පසුවන නජත් අතර ඇති පරතරය ඡන්ද 7,141 කි.

ඉකුත් සතිය අවසානයේදී සමස්ථ ලංකා පාසල් කාණ්ඩයේ තෙවැනි ස්ථානයේ පසු වූ කොළඹ තර්ස්ටන් විදුහලේ චරන නානායක්කාර (ඡන්ද 9,631) එම කාණ්ඩයේ සිව්වැනි ස්ථානය දක්වා පහළට ඇද දමමින් තෙවැනි ස්ථානය දක්වා ඉහළට පැමිණීමට මීගමුව මාරිස්ටෙලා විදුහලේ ලසිත් කෘස්පුල්ලේ (ඡන්ද 19,364) සමත්ව තිබේ. ගෙවී ගිය සතිය තුළදී ලසිත් කෘස්පුල්ලේ ඡන්ද 11,328 ක් ලබාගෙන ඇති අතර චරන නානායක්කාර ලබාගෙන ඇත්තේ ඡන්ද 969 ක් පමණි.

බම්බලපිටිය ශාන්ත පීතර විදුහලේ සන්තුෂ් ගුණතිලක සහ ගල්කිස්ස සාන්ත තෝමස් විදුහලේ රොමේෂ් නල්ලපෙරුම පිළිවෙළින් ඡන්ද 7,467 ක් සහ 6,317 ක් බැගින් ලබා සමස්ථ ලංකා පාසල් කාණ්ඩයේ පස්වැනි සහ හයවැනි ස්ථාන හිමිකරගෙන සිටිති.

පානදුර ශ්‍රී සුමංගල විදුහලේ පුලිත යසස් ඡන්ද 1,490 ක් ලබාගනිමින් තවදුරටත් නැගී එන කාණ්ඩයේ පෙරමුණ රැකගෙන සිටින අතර පිළියන්දල මැදි විදුහලේ ගිම්හාන ධනුෂාන් ඡන්ද 44 ක් ලබාගනිමින් එහි දෙවැනි ස්ථානයේ රැදී සිටියි.

හයවැනි සතිය නිමා වන විටත් අන්තර් ජාතික පාසල් කාණ්ඩයේ ක්‍රීඩකයන් අතුරින් ඡන්ද ලබාගැනීමට සමත් වී ඇත්තේ ඇලීතියා ජාත්‍යන්තර පාසලේ ශිම්රාස් ශාහිල් (ඡන්ද 48) පමණි.

මෙම තරගයට අදාළ කූපන්පත් විජය පුවත්පත් සමාගමේ ‘ලංකාදීප’, ‘අද’, ‘ඬේලි මිරර්’ සහ ‘ඬේලි එෆ්ටී’ යන දිනපතා පුවත්පත් වලද, ‘සන්ඬේ ටයිම්ස්’ සති අන්ත පුවත්පතේද අන්තර්ගත වේ. තමන් කැමතිම පාසල් ක්‍රිකට් ක්‍රීඩකයා වෙනුවෙන් මනාප පළ කිරීම සඳහා ලබන ජූලි මාසය දක්වා පාඨකයන්ට අවස්ථාව තිබේ. අන්තර් ජාලය ඔස්සේ මනාප පළකරන්නන්ට ’www.dialog.lk/cricket’  වෙබ් අඩවියට පිවිසීමෙන් ඒ සඳහා අවස්ථාව උදා කරගත හැකිය.

පාඨකයන් වෙනුවෙන් පැවැත්වෙන තරගයේ පසු ගිය සතියේ ජයග්‍රාහකයෝ

1 නිමල් විජයගුණසිරි, 61/65, අඹවත්ත පාර, අබේරත්ම මාවත, බොරලැස්ගමුව
2 ආසිෆ් ඉසඩීන්, 6, පාර්ක් ටෙරන්ස්, සත්වෝද්‍යාන මාවත, දෙහිවල
3 තමාලි උඩකන්දගේ, 342 සී, මහවත්ත පාර, හිඹුටාන, මුල්ලේරියාව නව නගරය
4 ලේඛා රණසිංහ, 233 ඩී, දාම්පේ, මීගොඩ

- 036