(රජන්ත බමුණුකොටුව)
ශ්‍රී ලංකා පාසල් ක්‍රිකට් සංගමය විසින් සංවිධානය කරනු ලබන වයස අවුරුදු 17න් පහළ පළමු කොටසේ අන්තර් පාසල් ක්‍රිකට් තරගාවලියේ තෙවැනි වටයට අපරාජිතව සුදුසුකම් ලැබීමට පසුගිය වර ශූරයන් වූ කොළඹ රාජකීය විද්‍යාලය සමත්විය.
කොළඹ රාජකීය විද්‍යාල ක්‍රීඩාංගණයේදී පැවැති දෙවැනි වටයේ තරගයකදී කොළඹ රාජකීය විද්‍යාලය විසින් කළුතර සිරිකුරුස විද්‍යාලයට එරෙහිව කඩුලු 7ක ජයක් වාර්තා කරන ලදි. මෙම තරගයේදි රාජකීය පිල වෙනුවෙන් පන්දුවෙන් දස්කම් දැක්වූ දුෂේන් උඩවෙල ලකුණු 08 කට කඩුලු 5 ක් දවාලීය.
කළුතර සිරිකුරුස විද්‍යාලය - ඕවර 37.2 කදී සියලු දෙනා දැවී 85 යි
(දුෂේන් උඩවෙල 08/5, තෙවිඳු වේවැල්වල 00/2)
කොළඹ රාජකීය විද්‍යාලය - ඕවර 11 කදී කඩුලු 3 ක් දැවී 87 යි
(රෙහාන් පීරිස් 38, සන්විදු අබේවර්ධන නොදැවී 19)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
