තායිලන්තයේ බැංකොක් නුවරදී පැවැති විවෘත ටයිකොන්ඩෝ ශූරතාවලියේදී ශ්‍රී ලංකාවේ ක්‍රීඩක ක්‍රීඩිකාවෝ පදක්කම් 10 ක් දිනාගත්හ. මෙම පදක්කම් 10 ට රන් පදක්කම් 4 ක්, රිදී පදක්කම් 3 ක් සහ ලෝකඩ පදක්කම් 3 ක් ඇතුළත් විය.
මෙම ටයිකොන්ඩෝ ශූරතාවලියට රටවල් 26 ක ක්‍රීඩක ක්‍රීඩිකාවෝ 1500ක් සහභාගී වුහ.
එලීට් ටයිකෝන්ඩෝ සමාජයේ මිහිඳු රාජරත්න, රන්දිනී විහංසා සහ තුනුහි අල්විස් රන් පදක්කම් දිනාගත් ක්‍රීඩක ක්‍රීඩිකාවෝ වූහ. තුනුහි අල්විස් තරගාවලියේ ලාබාලතම ක්‍රීඩිකාව ලෙස ශ්‍රී ලංකා කණ්ඩායම නියෝජනය කළාය.
එලීට් ටයිකොන්ඩෝ සමාජයේ ප්‍රධාන පුහුණුකරු ලෙස අසිත වික්‍රමතුංග මහතා කටයුතු කරයි. ඔහු ජාත්‍යන්තර කළුපටි 5 වැනි ශ්‍රේණියේ ( කොරියාව) උපදේශකවරයකු වන අතර ජාතික විනිසුරුවරයෙක් සහ තාක්ෂණික කමිටු සාමාජිකයෙක් ලෙස ජාතික ටයිකොන්ඩෝ සම්මේලනයේ කටයුතු කරයයි. සහය පුහුණුකරු ලෙස අසංග වික්‍රමතුංග මහතා කටයුතු කරයි.
මේ වසරේදී 20 වැනි සංවත්සරය සමරන එලීට් ටයිකොන්ඩො සමාජය ජාත්‍යන්තර හා ජාතික ක්‍රීඩක ක්‍රීඩකාවන් රැසක් බිහිකර තිබේ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
