Last Update  :  2025-08-29 20:08:00 About Contact
Follow Us -
IMG-LOGO
නිවස්න පිටුව Latest news අතපත්තු - හලංගොඩ කුසලාන තරගය

අතපත්තු - හලංගොඩ කුසලාන තරගය

editorial - 2020 ජන මස 05 {{hitsCtrl.values.hits}} Views 0 Comment
A A A

කොළඹ ආනන්ද විදුහල සහ ගල්කිස්ස සාන්ත තෝමස් විදුහල අතර පැවැත්වෙන 19 න් පහළ ක්‍රිකට් තරග අතපත්තු - හලංගොඩ අභියෝග කුසලාන තරගය ලෙස නම්කර තිබේ. මෙම තරගය කොළඹ එස්.එස්.සී. ක්‍රීඩාංගණයේදී හෙට සහ අනිද්දා (6 සහ 7) පැවැත්වේ.  

ශ්‍රී ලංකා ක්‍රිකට් පිලේ හිටපු නායකයකු වන මාවන් අතපත්තු සහ ශ්‍රී ලංකා ‘ඒ’ පිලේ නායකත්වය දරා ඇති මහින්ද හලංගොඩ මෙම විදුහල් දෙකෙන් බිහිවූ විශිෂ්ටතම ක්‍රිකට් ක්‍රීඩකයෝ දෙදෙනෙකි. ඔවුන් දෙදෙනා අගය කිරීම වෙනුවෙන් මේ වසරේ සිට ආනන්ද  සාන්ත තෝමස් තරගය අතපත්තු - හලංගොඩ අභියෝග කුසලාන ලෙස නම් කර තිබේ.

මාවන් අතපත්තු මහතා ආනන්ද විදුහලේ නායකයා ලෙසද මහින්ද හලංගොඩ මහතා සාන්ත තෝමස් විදුහලේ නායකයා ලෙසද කටයුතු කර තිබේ. මෙම ක්‍රීඩකයන් දෙදෙනාම ශ්‍රී ලංකාවේ ප්‍රධානම ක්‍රිකට් ක්‍රීඩා සමාජයක් ලෙස සැළකෙන එස්.එස්.සී. පිලේ ද නායකත්වය දරා තිබේ.

ශ්‍රී ලංකා ක්‍රිකට් ඉතිහාසයේ වඩාත් කැපී පෙනෙන නායකයකු මෙන්ම ඉදිරි පෙළ පිතිකරු වන මාවන් අතපත්තු ටෙස්ට් ලකුණු 5,502 ක් සහ එක්දින ජාත්‍යන්තර ලකුණු 8,529 ක් රැස්කර තිබේ.

මහින්ද හලන්ගොඩ 1981 වසරේ සාන්ත තෝමස් විදුහල් පළමු පෙළ පිලේ නායකයා ලෙස කටයුතු කළේය. 80 දශකයේ ශ්‍රී ලංකා දේශීය ක්‍රිකට් පිටියේ වඩාත් කැපී පෙනෙන චරිතයක් බවට පත්ව සිටි මහින්ද හලංගොඩගේ නායකත්වයෙන් සිංහල ක්‍රීඩා සමාජය (එස්.එස්.සී.) 1989 වසරේ සිට 1993 දක්වා පිට පිටම වසර හතරක් පළමු පෙළ ශූරයන් බවට පත්ව තිබේ.  

 

- 048


අදහස් (0)

අතපත්තු - හලංගොඩ කුසලාන තරගය

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.