(දමින්ද විජේසූරිය)
සැප්තැම්බර් මස 9 වැනිදා එක්සත් අරාබි එමීර් රාජ්‍යයේදී ආරම්භ වන ආසියානු කුසලාන තරගාවලිය සඳහා වනිඳු හසරංග ඇතුළත් කර ඇතත් ඔහුගේ ක්‍රීඩා කිරීම සම්බන්ධයෙන් ඇත්තේ කුකුසකි. පාදයේ කලව පසුපස මස්පිඬුවේ ආබාධයකට ලක්ව සිටින පා දඟ පන්දු යවන්නා මේ වනවිට සුවය ලබමින් සිටින නමුත් ඔහු කණ්ඩායමට ඇතුළත් වන්නේ සම්පූර්ණ සුවය ලැබුවහොත් පමණි.
යම් හෙයකින් සම්පූර්ණ සුවය ලබා යෝග්‍යතා පරීක්‍ෂණයෙන් සමත් වීමට වනිඳුට නොහැකි වුවහොත් ඔහුගේ ස්ථානය දුෂාන් හේමන්තට හිමිවීමේ වැඩි ඉඩක් පවතී. මේ වනවිට සිම්බාබ්වේ බලා ගොස් සිටින ශ්‍රී ලංකා කණ්ඩායමට වනිඳු ඇතුළත් නොවන අතර එහිදී වනිඳුගේ ස්ථානය දුෂාන් හේමන්තට හිමිවී තිබේ.
මෙවර ආසියානු කුසලාන තරගාවලිය විස්සයි-20 ආකෘතියෙන් පැවැත්වේ. තරගාවලිය 2025 සැප්තැම්බර් 09 සිට 28 දක්වා එක්සත් අරාබි එමීර් රාජ්‍යයේදී පැවැත්වේ.
ආසියානු කුසලාන තරගාවලිය සඳහා ශ්‍රී ලංකා සංචිතය
චරිත් අසලංක (නායකයා), පැතුම් නිශ්ශංක, කුසල් මෙන්ඩිස්, කුසල් පෙරේරා, නුවනිදු ප්‍රනාන්දු, කමිඳු මෙන්ඩිස්, කමිල් මිෂාර, දසුන් ශානක, වනිඳු හසරංග, දුනිත් වෙල්ලාලගේ, චාමික කරුණාරත්න, මහේෂ් තීක්ෂණ, දුෂ්මන්ත චමීර, බිනුර ප්‍රනාන්දු, නුවන් තුෂාර සහ මතීෂ පතිරණ
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
