(ශානුක අරවින්ද)
වෙළෙඳ සේවා ක්‍රිකට් සංගමය සංවිධානය කරන 10 වැනි ‘සිංගර් කුසලාන’ වෙළෙඳ සේවා ප්‍රිමියර් ලීග් විස්සයි-20 ක්‍රිකට් තරගාවලියේ ෆෙයාර්ෆස්ට් ඉන්ෂුවරන්ස් කණ්ඩායම සහ හේලීස් සමූහ ‘ඒ’ කණ්ඩායම අතර පැවැති මූලික වටයේ තරගයෙන් ලකුණු 70 ක ජයක් වාර්තා කිරීමට ෆෙයාර්ෆස්ට් ඉන්ෂුවරන්ස් කණ්ඩායම සමත් විය.
ජයග්‍රහණය සඳහා ලකුණු 170 ක ඉලක්කයක් හඹාගිය ෆෙයාර්ෆස්ට් ඉන්ෂුවරන්ස් කණ්ඩායමට ඕවර 15.4 ක් අවසානයේ සියලු දෙනා දැවී දැවී ලබාගත හැකි වූයේ ලකුණු 99 ක් පමණි. නිමේෂ් විමුක්ති, දිලුම් සුදීර, තනුක දාබරේ සහ සෙනිත හැළඹගේ කඩුලු 2 බැගින් බිඳහෙළමින් හේලීස් සමූහ ‘ඒ’ කණ්ඩායමේ ජයග්‍රාහී මාවත අවහිර කළහ.
පළමුවෙන් පන්දුවට පහරදුන් ෆෙයාර්ෆස්ට් ඉන්ෂුවරන්ස් කණ්ඩායම ඕවර 20 අවසානයේ කඩුලු 6 ක් දැවී ලකුණු 169 ක් ලබාගත් අතර එහිදී වේගවත් පිතිහරඹයක නිරත වූ ආරම්භක පිතිකරු තනුක දාබරේ පන්දු 25 කින් ලකුණු 50 ක් රැස්කළේ හයේ පහර 7 ක් සමගිනි. නිමේෂ් විමුක්ති පන්දු 12 කදී හයේ පහර 4 ක් සහ හතරේ පහරක් සමග නොදැවී ලකුණු 34 ක් රැස්කළේය.
ෆෙයාර්ෆස්ට් ඉන්ෂුවරන්ස් පිල - ඕවර 20 කදී කඩුලු 6 ක් දැවී 169
(තනුක දාබරේ 50, ගවිරු සෙන්හස් 22, අනුක ප්‍රනාන්දු 22, මෝදිත රණතුංග 15, ගයන වීරසිංහ නොදැවී 15, නිමේෂ් විමුක්ති නොදැවී 34)
හේලීස් සමූහ පිල - ඕවර 15.4 සියලු දෙනා දැවී 99
(සධීර සමරවික්‍රම 17, කවිෂ්ක අංජුල 19, කළණ පෙරේරා 20, නිමේෂ් විමුක්ති 08/2, දිලුම් සුදීර 16/2, තනුක දාබරේ 22/2, සෙනිත හැළඹගේ 26/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
