වැන්ඩර්සේ - භානුක, ටීජේ පිලට ජය ගෙනෙති

වෙළඳ සේවා ක්‍රිකට් සංගමය සංවිධානය කරන ලීග් ක්‍රිකට් තරගාවලියේ ‘ඒ’ කොටසේ තරගයකදී කැන්රිච් ෆිනෑන්ස් ‘ඒ’ කණ්ඩායම එරෙහිව කඩුලු 6 ක ජයක් අත්කර ගැනීමට ටීජේ ලංකා කණ්ඩායම අද (17 වැනිදා) සමත්විය. මෙම තරගය කටුනායක වෙළඳ කළාපීය ක්‍රීඩාංගණයේදී පැවැත්විණි.

ටීජේ ලංකා කණ්ඩායමේ මිනෝද් භානුක අර්ධ ශතකයක් (නොදැවී 60) රැස්කරමින් පිත්තෙන් දස්කම් දැක්වූ අතර ජෙෆ්රී වැන්ඩර්සේ ලකුණු 26 කට කඩුලු 5 ක් දවාගනිමින් පන්දුවෙන් දස්කම් දැක්වීය.

කැන්රිච් ෆිනෑන්ස් - ඕවර 49.2 කදී සියලුදෙනා දැවී ලකුණු 148
(කසුන් විදුර 44, ජෙෆ්රී වැන්ඩර්සේ 26/5)

ටීජේ ලංකා - ඕවර 33.1 කදී කඩුලු 4 ක් දැවී ලකුණු 151
(මිනෝද් භානුක නොදැවී 60, අලංකාර අසංක 36/2)