කෙළිමඬල

නවිඳු නිර්මාල් ඡන්ද 70,000 කඩයිම පසුකරයි

රොෂාන් ගුණරත්න - 2017 මාර් මස 30 {{hitsCtrl.values.hits}} Views 0 Comment

A A A

‘ඩයලොග් 4G - සන්ඬේ ටයිම්ස්’ වසරේ ජනප්‍රියම පාසල් ක්‍රිකට් ක්‍රීඩකයා තේරීමේ තරගයේ (2017) 11 වැනි සතිය නිමාවන විට ඡන්ද 70,000 සීමාවද පසුකර යමින් තවදුරටත් සමස්ථ ලංකා පාසල් කාණ්ඩයේ පෙරමුණ රැකගැනීමට ගාල්ල ශාන්ත ඇලවීෂියස් විදුහලේ නවිඳු නිර්මාල් සමත්ව සිටියි. ගෙවී ගිය සතිය තුළදී ලබාගත් ඡන්ද 6150 ත් සමගින් මේ වන විට ඔහු ලබා සිටින මුලු ඡන්ද සංඛ්‍යාව 70,262 කි.

සමස්ථ ලංකා පාසල් කාණ්ඩයේ දෙවැනි ස්ථානයේ රැදී සිටි මරදාන සහිරා විදුහලේ මොහොමඞ් නජත් (ඡන්ද 51,866), එහි තෙවැනි ස්ථානය දක්වා ඇද දමමින් දෙවැනි ස්ථානය දක්වා ඉහළට පැමිණීමට තෙවැනි ස්ථානයේ පසු වූ මීගමුව මාරිස්ටෙලා විදුහලේ ලසිත් කෘස්පුල්ලේ (ඡන්ද 51,897) සමත්ව සිටියි. මේ වන විට ඔවුන් දෙදෙනා අතර පවතින ඡන්ද පරතරය 31 කි.

ගෙවී ගිය සතිය තුළදී සිය ඡන්ද ගොන්නට අලුතින් ඡන්ද 7762 ක් එක්කර ගැනීමට ලසිත් කෘස්පුල්ලේ සමත්ව ඇති අතර මොහොමඞ් නජත්ට ගෙවී ගිය සතිය තුළදී ලබගත හැකිව ඇත්තේ ඡන්ද 1968 ක් පමණි.

කොළඹ තර්ස්ටන් විදුහලේ චරණ නානායක්කාර සහ බම්බලපිටිය ශාන්ත පීතර විදුහලේ සන්තුෂ් ගුණතිලක පිළිවෙළින් ඡන්ද 10,206 ක් සහ 8078 ක් බැගින් ලබා සමස්ථ ලංකා පාසල් කාණ්ඩයේ සිවුවැනි සහ පස්වැනි ස්ථාන හිමිකරගෙන සිටිති.

පානදුර ශ්‍රී සුමංගල විදුහලේ පුලිත යසස් ඡන්ද 2180 ක් ලබාගනිමින් නැගී එන කාණ්ඩයේ පෙරමුණ රැකගෙන සිටින අතර පිළියන්දල මැදි විදුහලේ ගිම්හාන ධනුෂාන් ඡන්ද 130 ක් ලබාගනිමින් එහි දෙවැනි ස්ථානයේ රැදී සිටියි.

තරග ආරම්භයේ සිට මේ දක්වාම අන්තර් ජාතික පාසල් කාණ්ඩයේ ක්‍රීඩකයන් අතර පෙරමුණ ගෙන සිටින ඇලීතියා ජාත්‍යන්තර පාසලේ ශිම්රාස් ශාහිල් ඡන්ද 132 ක් ලබා සිටියි.

මෙම තරගයට අදාළ කූපන්පත් විජය පුවත්පත් සමාගමේ ‘ලංකාදීප’, ‘අද’, ‘ඬේලි මිරර්’ සහ ‘ඬේලි එෆ්.ටී.’ යන දිනපතා පුවත්පත් වලද, ‘සන්ඬේ ටයිම්ස්’ සති අන්ත පුවත්පතේද අන්තර්ගත වේ. තමන් කැමතිම පාසල් ක්‍රිකට් ක්‍රීඩකයා වෙනුවෙන් මනාප පළ කිරීම සඳහා ලබන ජූලි මාසය දක්වා පාඨකයන්ට අවස්ථාව තිබේ. අන්තර් ජාලය ඔස්සේ මනාප පළකරන්නන්ට www.dialog.lk/cricket වෙබ් අඩවියට පිවිසීමෙන් ඒ සඳහා අවස්ථාව උදා කරගත හැකිය.

සමස්ථ ලංකා පාසල් කාණ්ඩය

ක්‍රීඩකයා	පාසල	ඡන්ද
නවිඳු නිර්මාල්	ගාල්ල ශාන්ත ඇලවීෂියස් විදුහල	70,262
ලසිත් කෘස්පුල්ලේ	මීගමුව මාරිස්ටෙලා විදුහල	51,897
මොහොමඞ් නජත්	මරදාන සහිරා විදුහල	51,866
චරණ නානායක්කාර	කොළඹ තර්ස්ටන් විදුහල	10,206
සන්තුෂ් ගුණතිලක	බම්බලපිටිය ශාන්ත පීතර විදුහල	8078
රොමේෂ් නල්ලපෙරුම	ගල්කිස්ස සාන්ත තෝමස් විදුහල	6394
දිනිත බස්නායක	කොටහේන ශාන්ත බෙනඩික් විදුහල	4958
හේලිත විතානගේ	කොළඹ රාජකීය විදුහල	1674
ලක්ෂිණ රොද්‍රිගූ	බම්බලපිටිය ශාන්ත පීතර විදුහල	1182
මොහොමඞ් රිෆාස්	ජනාධිපති විදුහල	984
සහන් සුරවීර	කොළඹ ආනන්ද විදුහල	674
දිලීප ජයලත්	කොළඹ ආනන්ද විදුහල	524
නිකේෂ් අංජන	ගල්කිස්ස සාන්ත තෝමස් විදුහල	341
පී. ඒ. ධනංජය	ගාල්ල රිච්මන්ඞ් විදුහල	285
හරීන් බුද්දිල	ගාල්ල ශාන්ත ඇලවීෂියස් විදුහල	277
සම්මු අශාන්	කොළඹ ආනන්ද විදුහල	204
පසිඳු සූරියබණ්ඩාර	කොළඹ රාජකීය විදුහල	171
අසේල් සිගේරා	කොළඹ ආනන්ද විදුහල	167
සංජුල අබේවික්‍රම	කොළඹ ඉසිපතන විදුහල	129
ජෙහාන් ඩැනියෙල්	මරදාන ශාන්ත ජෝෂප් විදුහල	102
නවීන් ගුණවර්ධන	කොළඹ තර්ස්ටන් විදුහල	53
ලසිත් උඩගේ	කෑගල්ල ශාන්ත මරියා විදුහල	57
අවිෂ්ක පෙරේරා	කොළඹ නාලන්දා විදුහල	55
නවීන් ගුණවර්ධන	කොළඹ තර්ස්ටන් විදුහල	53
දිනෙත් මඳුරවෙල	මරදාන ශාන්ත ජෝෂප් විදුහල	25
තිළිණ පෙරේරා	කොළඹ වෙස්ලි විදුහල	24
ශනොගීත් ශන්මුගනාදන්	මහනුවර ත්‍රිත්ව විදුහල	24
ශාලිත ප්‍රනාන්දු	වත්තල ශාන්ත අන්තෝනි විදුහල	17
කවිඳු ගිම්හාන	කොළඹ ආනන්ද විදුහල	15
පැතුම් නිස්සංක	කොළඹ ඉසිපතන විදුහල	14
තිළිණ නිමේෂ්	මොරටුව වේල්ස් කුමර විදුහල	10
අවිෂ්ක ප්‍රනාන්දු	මොරටුව ශාන්ත සෙබස්තියන් විදුහල	8

නැගී එන පාසල් කාණ්ඩය

ක්‍රීඩකයා	පාසල	ඡන්ද
පුලිත යසස්	පානදුර ශ්‍රී සුමංගල විදුහල	2,180
ගිම්හාන ධනුෂාන්	පිළියන්දල මැදි විදුහල	130
සහන් පෙරේරා	පන්නිපිටිය ක්‍රිස්තු රාජ විදුහල	109
ඉමේෂ් බස්නායක	ගම්පහ ශාන්ත පීතර විදුහල	105
නිපුන රංසික	පී. ද එස්. කුලරත්න විදුහල	91
මෙතුෂාන් තිළිණ	කෑගලු විද්‍යාලය	83
රවීන් යසස්	රත්ගම දේවපතිරාජ විදුහල	42
හිරුෂ මෙන්ඩිස්	බලපිටිය ශ්‍රී සිද්ධාර්ථ විදුහල	32
සුමින්ද ලක්ෂාන්	මෝදර ද ලාසාල් විදුහල	16
තිසර දිල්ෂාන්	පොළොන්නරුව ජාතික පාසල	8
ශෘෂී අධිෂ්ඨාන	කුරුණෑගල ශාන්ත බර්නඩෙත් විදුහල	1

අන්තර් ජාතික පාසල් කාණ්ඩය

ක්‍රීඩකයා	පාසල	ඡන්ද
ශිම්රාස් ශාහිල්	ඇලීතියා ජාත්‍යන්තර පාසල	132
තාරික් හනීෆ්	විචර්ලි ජාත්‍යන්තර පාසල	1