තරිඳු රත්නායක ජෝන් කීල්ස්ට ජය ගෙනෙයි

වෙළඳ සේවා ක්‍රිකට් සංගමය සංවිධානය කරන ලීග් ක්‍රිකට් තරගාවලියේ ‘බී’ කොටසේ තරගයකදී සිංගර් ශ්‍රී ලංකා ‘ඒ’ පිලට එරෙහිව කඩුලු 9 ක ජයක් අත්කර ගැනීමට ජෝන් කීල්ස් ‘බී’ පිල අද (04 වැනිදා) සමත්විය. මෙම තරගය කෝල්ට්ස් ක්‍රීඩාංගණයේදී පැවැත්විණි.

ජෝන් කීල්ස් ‘බී’ කණ්ඩායම වෙනුවෙන් පන්දුවෙන් දස්කම් දැක්වූ තරිඳු රත්නායක ලකුණු 23 කට කඩුලු 6 ක් දවාගනිමින් සිංගර් ශ්‍රී ලංකා ‘ඒ කණ්ඩායම අඩු ලකුණු සංඛ්‍යාවකට සිමාකිරීමට සමත්විය. කවීන් බණ්ඩාර (නොදැවී 55) අර්ධ ශතකයක් ලබාගනිමින් පිත්තෙන් දස්කම් දැක්වීය.

සිංගර් ශ්‍රී ලංකා - ඕවර 33.5 කදී සියලුදෙනා දැවී ලකුණු 125
(ඉසුරු ශාමර 46, ලෝචන බණ්ඩාර 26, තරිඳු රත්නායක 23/6, සසිඳු පෙරේරා 17/2)

ජෝන් කීල්ස් - ඕවර 17 කදී කඩුල්ලක් දැවී ලකුණු 126
(කවීන් බණ්ඩාර නොදැවී 55, රවිඳු කොඩිතුවක්කු 29, මනෝජ් සරත්චන්ද්‍ර නොදැවී 28)