මෙම වසරට නියමිත 49 වැනි ජාතික මහ ක්‍රීඩා උළෙලේ ක්‍රීඩා ඉසව් අටක් අද (1) කොළඹදී ආරම්භ වේ.එම ක්‍රීඩා ඉසව් අගෝස්තු 2 - 3 යන දිනවලදීත් පැවැත්වීමට නියමිතය.
අදියර කීපයකින් මෙවර ජාතික මහ ක්‍රීඩා උළෙලේ ක්‍රීඩා ඉසව් පවත්වා අවසන් කිරීමේදී මීළග අදියර ලෙස තවත් ක්‍රීඩා ඉසව් 14 ක් අගෝස්තු 12 වැනිදා සිට 31 වැනිදා දක්වා ගාල්ල දඩල්ල පළාත් ක්‍රීඩා සංකීර්ණය,මාතර කොටවිල ක්‍රීඩා සංකීර්ණය ඇතුළු ක්‍රීඩාංගණ කීපයකදී පැවැත්වේ.
ක්‍රිකට් ක්‍රීඩා ඉසව්ව යටතේ ලෙදර් පන්දු හා සැහැල්ලු පන්දු දහයයි - 10 තරග මාලා දෙකක් පැවැත්වෙන අතර කොළඹදී අද ආරම්භ වන්නේ ලෙදර් පන්දු තරග මාලාවයි.
සැහැල්ලු පන්දු තරග මාලාව මේ වන විට පවත්වා අවසන් කර තිබේ. ක්‍රීඩා සංවර්ධන දෙපාර්තමේන්තුවේ අධ්‍යක්ෂ (ක්‍රීඩා) අයි.පී.විජේරත්න මහතාගේ ප්‍රධාන අධීක්ෂණයෙන් ජාතික මහ ක්‍රීඩා උළෙලේ ක්‍රීඩා ඉසව් සංවිධානය කෙරේ.
49 වැනි ජාතික මහ ක්‍රීඩා උළෙලේ නිමාව සංකේතවත් වන එහි මලල ක්‍රීඩා තරගාවලිය අගෝස්තු 29 - 30 -31 යන දිනවල ගාල්ල ක්‍රීඩා සංකීර්ණයේදී පැවැත්වේ.
49 වැනි ජාතික මහ ක්‍රීඩා උළෙලේ මෙම සති අන්තයේදී පැවැත්වෙන ඉසව්
* පිහිනුම් - අගෝස්තු 1 - 2 : - කොළඹ සුගතදාස පිහිනුම් තටාකයේදී
*බැඩ්මින්ටන් - අගෝස්තු 1 - 2 - 3 : - කොළඹ වෙළද සේවා බැඩ්මින්ටන් ක්‍රීඩාංගණයේදී
*මේසපන්දු - අගෝස්තු 1 - 2 - 3 : -ගල්කිස්ස ශාන්ත තෝමස් විදුහල් ගෘහස්ථ පිටියේදී.
* ජූඩෝ - අගෝස්තු 1 - 2 : -කොළඹ රෝයල් මාස් ගෘහස්ථ පිටියේදී
*හොකී - අගෝස්තු 1 - 2 - 3 : -රීඩ් මාවත කෘතිම හොකී පිටියේදී
* රග්බි - අගොස්තු 1 - 2 : - කොළඹ සී.ආර්.සහ එෆ්. සී. පිටියේදී
*ක්‍රිකට් - අගොස්තු 1 - 2 -3 : - බම්බලපිටිය පොලිස් හා හැව්ලොක් පෙදෙසේ බී.ආර්.සී. යන ක්‍රීඩාංගණ වලදී (දහයයි - 10 -ලෙදර් පන්දු තරගාවලියකි)
*ජිම්නාස්ටික් - අගෝස්තු 1 - 2 - 3 : -කොළඹ සුගතදාස ගෘහස්ථ පිටියේදී.
- 223
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
