එහිදී තරගාවලිය පුරා විශිෂ්ට දස්කම් දක්වමින් ජාත්‍යන්තර ජයග්‍රහණ හිමි කරගත් ගුවන් හමුදා ක්‍රීඩක ක්‍රීඩිකාවන් සදහා ගුවන් හමුදාපතිතුමන් විසින් නව උසස්වීම් සහ මුදල් ත්‍යාග පිරිනමන ලදි. ක්‍රීඩා කුසලතාවන් මගින් ගුවන් හමුදාවේ අභිමානය පමණක් නොව ශ්‍රී ලංකාවට එක්කර දුන් ගෞරවය වෙනුවෙන් සිය සුභාසිංශණ එක් කිරීමටද ගුවන් හමුදාපතිවරයා කටයුතු කළේය. 

 

මෙම තරගාවලියට ශ්‍රී ලංකාව නියෝජනය කරමින් සහභාගි වූ ක්‍රීඩක ක්‍රීඩිකාවන් 59 දෙනා අතරින් ක්‍රීඩක ක්‍රීඩිකාවන් 9 දෙනෙක් ගුවන් හමුදා ක්‍රීඩක ක්‍රීඩිකාවෝ වූහ. ඔවුහු එහිදී රන් පදක්කම් 2 ක්, රිදී පදක්කම් 3 ක් සහ එක් ලෝකඩ පදක්කමක් දිනා ගනිමින් පදක්කම් 6 ක් ශ්‍රී ලංකාවට දිනාදීමට සමත් වූහ. 

 

එසේම පදක්කම්ලාභී ක්‍රීඩක, ක්‍රීඩිකාවන් 6 දෙනා සඳහා කෝප්‍රල් නිලයට උසස්වීම් ප්‍රධානය කිරීම සහ මුදල් ත්‍යාග පිරිනැමීමද තරගාවලියට සහාභාගී වු සෙසු ක්‍රීඩක ක්‍රීඩිකාවන් තිදෙනා සඳහා මුදල් ත්‍යාග පිරිනැමීමද ගුවන් හමුදාපතිවරයා අතින් සිදුකෙරිණ. එම ජයග්‍රහණ ලබා ගැනීමට සඳහා සුවිශේෂී කාර්යභාරයක් ඉටු කළ පුහුණුකරුවන් හය දෙනාටද ගුවන් හමුදාපතිවරයා විශේෂ ඇගයීමක් සිදු කරමින් මුදල් ත්‍යාග පිරිනැමුවේය.