සඳරුගේ පන්දු යැවීම තර්ස්ටන් විද්‍යාලයට ජය ගෙනෙයි

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී පන්නිපිටිය ධර්මපාල විද්‍යාලයට එරෙහිව කඩුලු 5 ක ජයක් ලබාගැනීමට තර්ස්ටන් විද්‍යාලය ඊයේ (15 වැනිදා) සමත්විය. මෙම තරගය තර්ස්ටන් විද්‍යාලයීය ක්‍රීඩාංගණයේදී පැවැත්විණි.

පළමු ඉනිමේදී කඩුලු 6 ක් දවාගත් තර්ස්ටන් විද්‍යාලයේ සඳරු ඩයස් දෙවැනි ඉනිමේදීද කඩුලු 5 ක් දවාගනිමින් තරගය පුරා කඩුලු 11 ක් දවාගනිමින් පන්දුවෙන් දස්කම් දැක්වීය.

ධර්මපාල විද්‍යාලය - පළමු ඉනිම - ඕවර 51 කදී සියලුදෙනා දැවී ලකුණු 157
(මලිත් සඳකැලුම් 54, විහඟ ගුණරත්න 21, ලකිත පුරසිංහ 21, සඳරු ඩයස් 43/6, උදිත් වික්‍රමාරච්චි 43/2)

තර්ස්ටන් විද්‍යාලය - පළමු ඉනිම - ඕවර 73.4 කදී සියලුදෙනා දැවී ලකුණු 182
(රනේෂ් සිල්වා 48, අයේෂ් හර්ෂණ 40, සඳරු ඩයස් 35, දිල්ෂාන් ද සිල්වා 40/4, ලක්ෂිත පුරසිංහ 14/2, චමිඳු සමරසිංහ 44/2)

ධර්මපාල විද්‍යාලය - දෙවැනි ඉනිම - ඕවර 42 කදී සියලුදෙනා දැවී ලකුණු 131
(දුලාජ් එගොඩපේ 22, නදුන් හේවානායක 21, තරිඳු සඳරුවන් 22, සඳරු ඩයස් 34/5, ශාලක බණ්ඩාර 22/2)

තර්ස්ටන් විද්‍යාලය දෙවැනි ඉනිම - ඕවර 19.3 කදී කඩුලු 5 ක් දැවී ලකුණු 107
(සනුත් නන්දිනු 49)