(ශානුක අරවින්ද)
දකුණු කොරියාවේ ගිම්චෝන් නුවරදී ජූලි මස 1 වැනිදා සිට 5 වැනිදා දක්වා පැවැත්වෙන 32 වැනි ආසියානු කණිෂ්ඨ ස්කොෂ් ශූරතාවලියට සහභාගි වන ශ්‍රී ලංකා කනිෂ්ඨ ස්කොෂ් කණ්ඩායම ඉකුත්දා දිවයිනෙන් පිටත්ව ගියේය.
ක්‍රීඩකයන් 16 දෙනකු සහ ක්‍රීඩිකාවන් 15 දෙනකුගෙන් සමන්විත ශ්‍රී ලංකා කණ්ඩායම මෙම තරගාවලියේදී අවුරුදු 13 න් පහළ, 15 න් පහළ, 17 න් පහළ සහ 19 න් පහළ වයස් කාණ්ඩ යටතේ තරග බිමට අවතීර්ණවනු ඇත. එහිදී කලමණාකරුවන් දෙදෙනෙක්, පුහුණුකරුවෙක් සහ බාලිකාවන් භාර නිලධාරිණියක්ද ශ්‍රී ලංකා කණ්ඩායම සමග එක්ව සිටිති.
ශ්‍රී ලංකා ස්කොෂ් සම්මේලනයේ විධායක කමිටු සාමාජික නාවික හමුදා කොමදෝරු ප්‍රභාත් දායාරත්න මහතා සහ ඉන්දු උපමාලි මහත්මිය කණ්ඩායමේ කලමණාකරුවන් ලෙස කටයුතු කරන අතර බාලිකාවන් භාර නිලධාරීණිය ලෙස කටයුතු කරන්නේ කොළඹ විශාකා විදුහලේ ඩබ්ලිව්.පී. චන්ද්‍රසිරි මහත්මියයි.
මෙම තරගාවලියට සහභාගි වන ශ්‍රී ලංකා ක්‍රීඩක ක්‍රීඩිකාවෝ ජාත්‍යන්තර ස්කොෂ් සම්මේලනයේ සහතිකපත් ලාභී ප්‍රවීණ පුහුණුකරු ගිහාන් සුවාරිස් මහතාගේ ප්‍රධානත්වයෙන්, දිනූෂ ප්‍රියදර්ශන මහතාගේ සහායද ඇතිව මාසයක පමණ කාලයක් පුහුණුවීම්වල නිරත විය.
වයස 13 න් පහළ බාලක කණ්ඩායම
හෂීඩ් අමීර් නූර්දීන්, කේ.එම්.ඒ. කෝණාර, දනූජ ජයසිංහ සහ අනන්තවේල් ක්‍රිෂේන්
වයස 13 න් පහළ බාලිකා කණ්ඩායම
දිනිත්මා මිහේලි, කවීෂා ගුණසේකර සහ එස්.ටී. තිලකරත්න
වයස 15 න් පහළ බාලක කණ්ඩායම
මනුත් සන්දිර, නෙවන් රූබසිංහ, ලේනිත බිම්සඳු සහ දිසර පේරුකන්ද
වයස 15 න් පහළ බාලිකා කණ්ඩායම
ඉෆ්රා ෂස්මින්, චානුමි නිම්තාරා, සිතුම්ලි රුහංසා සහ මෙතුකි නුලාරා
වයස 17 න් පහළ බාලක කණ්ඩායම
කේමිත හපුආරච්චි, ආර්.එස්.බී. පිලපිටිය, මනුල කරේන්ද්‍ර සහ ලිනුක සිල්වා
වයස 17 න් පහළ බාලිකා කණ්ඩායම
නෙත්මි හිරන්‍යා, දිනුලි අලහප්පෙරුම, තේදර ලියනගේ සහ නෙහාන්යා ඩයස්
වයස 19 න් පහළ බාලක කණ්ඩායම
තරුල් පින්වත්ත, මතීෂා විජේසේකර, විශාන් රනතුංග සහ මොහොමඩ් රිල්වාන්
වයස 19 න් පහළ බාලිකා කණ්ඩායම
අකීස සමරනායක, රන්ලිය ඉරුදිනිති, මියුනි වීරසිංහ සහ කවිත්මා සෙනොමි
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
