පාකිස්තානු කාන්තා ක්‍රිකට් පිල ශ්‍රී ලංකාවේ

එක්දින තරග 3 කින් සහ විස්සයි20 තරග 3 කින් සමන්විත තරග සංචාරයක නිරතවීම සඳහා පාකිස්තාන කාන්තා ක්‍රිකට් කණ්ඩායම මාර්තු මස 13 වැනිදා ශ්‍රී ලංකාවට පැමිණීමට නියමිතය.

මාර්තු මස 20 වැනිදා ආරම්භ වන එම තරගාවලිය 31 වැනිදා දක්වා පැවැත්වෙන අතර එහි එක්දින තරග 3 රංගිරි දඹුලු ක්‍රීඩාංගණයේදී පැවැත්වේ. විස්සයි20 තරග 2 ක් එස්.එස්.සී ක්‍රීඩාංගණයේදීද, ඉතිරි විස්සයි20 තරගය එන්.සී.සී. ක්‍රීඩාංගණයේදීද පැවැත්වීමට නියමිතය.

තරගාවලියට සහභාගිවන ශ්‍රී ලංකා සහ පාකිස්තාන සංචිත ඉදිරියේදී නම් කිරීමට නියමිතය.

තරග කාල සටහන

1 වැනි එක්දින තරගය - 20 වැනිදා රංගිරි දඹුලු ක්‍රීඩාංගණයේදී
2 වැනි එක්දින තරගය - 22 වැනිදා රංගිරි දඹුලු ක්‍රීඩාංගණයේදී
3 වැනි එක්දින තරගය - 24 වැනිදා රංගිරි දඹුලු ක්‍රීඩාංගණයේදී
1 වැනි විස්සයි20 තරගය - 28 වැනිදා එස්.එස්.සී ක්‍රීඩාංගණයේදී
2 වැනි විස්සයි20 තරගය - 30 වැනිදා එන්.සී.සී ක්‍රීඩාංගණයේදී
3 වැනි විස්සයි20 තරගය - 31 වැනිදා එස්.එස්.සී ක්‍රීඩාංගණයේදී

- 036