ප්‍රබෝත් - කවිඳු කළුතර විද්‍යාලයට ජය ගෙනෙති

‘සිංගර් කුසලාන’ වයස 19 න් පහළ ක්‍රිකට් තරගාවලියේ II වැනි කොටසේ තරගයකදී පානදුර රාජකීය විද්‍යාලයට එරෙහිව ඉනිමක සහ ලකුණු 101 ක ජයක් ලබාගැනීමට කළුතර විද්‍යාලය අද (9 වැනිදා) සමත්විය. මෙම තරගය කළුතර මහජන ක්‍රීඩාංගණයේදී පැවැත්විණි.

ප්‍රබෝත් වනිගසිංහ (නොදැවී 100) ශතකයක් සහ කවිඳු ජයවික්‍රම පළමු ඉනිමේදී ලකුණු 08 කට කඩුලු 8 ක් සමගින් තරගය පුරා කඩුලු 12 ක් දවාගනිමින් කළුතර විද්‍යාලය වෙනුවෙන් දස්කම් දැක්වූහ.

රාජකීය විද්‍යාලය - පළමු ඉනිම - ඕවර 32 කදී සියලුදෙනා දැවී ලකුණු 57
(දුශාන්ත මදුසංක 36, කවිඳු ජයවික්‍රම 08/8, ජමිඳු සිල්වා 19/2)

කළුතර විද්‍යාලය - පළමු ඉනිම - ඕවර 49.3 කදී කඩුලු 6 ක් දැවී ලකුණු 240
(ප්‍රබෝත් වනිගසිංහ නොදැවී 100, කවිඳු ජයවික්‍රම 51, හිරුණ මදුශාන් 42, සචින් චමුදිත 53/2, දුශාන්ත මදුසංක 81/2)

රාජකීය විද්‍යාලය - පළමු ඉනිම - ඕවර 44.5 කදී සියලුදෙනා දැවී ලකුණු 82
(කවීශ සිල්වා 24, හිමන් තත්සර 22, කවිඳු ජයවික්‍රම 36/4, නිපුන් හසංක 23/3)