කාන්තා කබඩි පිලට ජයග්‍රහණ දෙකක්

ඉන්දුනීසියාවේ ජකර්තා නුවරදී පැවැත්වෙන 18 වැනි ආසියානු ක්‍රීඩා උළෙලේ කාන්තා කබඩි ඉසව්වේ අද (20 වැනිදා) පැවැති මූලික වටයේ තරග දෙකකදී ඉන්දුනීසියාව සහ ජපානය පරාජය කිරීමට ශ්‍රී ලංකා ක්‍රීඩිකාවෝ සමත් විය. 

ඉන්දුනීසියාවට එරෙහිව පැවැති තරගය ලකුණු 34-17 ක් ලෙස ජයගත් ශ්‍රී ලංකා කාන්තා කබඩි කණ්ඩායම, ජපානයට එරෙහිව පැවැති තරගයෙන් ජය ලැබූවේ 22-17 ක් ලෙසිනි. 

ඊයේ (19 වැනිදා) පැවැති මූලික වටයේ තරගයකදී තායිලන්තය හමුවේ වට 41-15 ක් ලෙස ශ්‍රී ලංකාව පරාජයට පත්විය. 

ඒ අනුව මෙතෙක් සහභාගි වූ තරග 3 දී ජයග්‍රහණ 2 ක් සහ එක් පරාජයක් ලබා සිටින ශ්‍රී ලංකාව, හෙට (21 වැනිදා) ඉන්දියාවට එරෙහිව තරග බිමට පිවිසීමට නියමිතය. එය ශ්‍රී ලංකාව මූලික වටයේදී සහභාගි වන අවසන් තරගයයි. 

-036