සෙබස්තියන් විදුහලේ ජනිෂ්ක - දුනිත් ශතක ලබති

අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ කුරුණෑගල ශාන්ත ආනා විදුහල සහ මොරටුව ශාන්ත සෙබස්තියන් විදුහල අතර මොරටුවේදී පැවැති I කොටසේ තරගයෙන් පළමු ඉනිමේ ජයක් වාර්තා කිරීමට ශාන්ත සෙබස්තියන් විදුහල සමත් විය.

එහිදී ශාන්ත සෙබස්තියන් විදුහල වෙනුවෙන් දක්ෂ පිතිහරඹයක නිතර වූ ජනිෂ්ක පෙරේරා (143) සහ දුනිත් ජයතුංග (141) ශතක ලබාගැනීමට සමත් වූහ. එම විදුහලේම ප්‍රවීන් කුරේ නොදැවී ලකුණු 62 ක් රැස්කරමින් සහ ලකුණු 24 කට කඩුලු 4 ක් දවාගනිමින් පිත්තෙන් මෙන්ම පන්දුවෙන්ද එකසේ දස්කම් දැක්වීය.

ශාන්ත ආනා විදුහල් පළමු ඉනිම - ඕවර 90.3 කදී සියලු දෙනා දැවී 203
(ලසිත් වර්ණකුලසූරිය 50, කවිඳු ඒකනායක 29, මුයිස් රසීල් 20, ප්‍රවීන් කුරේ 24/4, තෂික් පෙරේරා 21/2)

ශාන්ත සෙබස්තියන් විදුහල් පළමු ඉනිම - ඕවර 98 කදී කඩුලු 7 ක් දැවී 505
(ජනිෂ්ක පෙරේරා 143, දුනිත් ජයතුංග 141, ප්‍රවීන් කුරේ නොදැවී 62, නුවනිඳු ප්‍රනාන්දු 39, රුමේෂ් මෙන්ඩිස් 41, සුඛිත ප්‍රසන්න 27, නිසිත අභිෂේක් 26, පසිඳු තෙන්නකෝන් 101/3)

- 036