සුපර් සන් - ක්‍රිස්ටල් පැලස් තරගය සමවෙයි

ශ්‍රී ලංකා පාපන්දු සම්මේලනය සංවිධානය කරන ඩයලොග් ශූරයන්ගේ කුසලාන පාපන්දු තරගාවලියේ සුපර් සන් ක්‍රීඩා සමාජය සහ ක්‍රිස්ටල් පැලස් පාපන්දු සමාජය අතර කළුතර වර්නන් ප්‍රනාන්දු ක්‍රීඩාංගණයේදී පැවැති තරගය ගෝල 1-1 ක් ලෙස සමව නිමාවට පත් විය.

සුපර් සන් ක්‍රීඩා සමාජයේ අෆීස් ඔලයෙමි 26 වැනි මිනිත්තුවේදී ගෝලයක් ලබාගත් අතර එම ක්‍රීඩා සමාජයේම එන්.ඒ. ද සිල්වා 17 වැනි මිනිත්තුවේදී තම දැල වෙතටම පන්දුව යොමු කිරීම නිසා ක්‍රිස්ටල් පැලස් පාපන්දු සමාජයට ඕන් ගෝලයක් හිමිවිය.

මෙම තරගයේදී සුපර් සන් ක්‍රීඩා සමාජයේ එන්.ඒ. ද සිල්වා, අෆීස් ඔලයෙමි සහ එම්.එම්.එම්. ශස්නිද, ක්‍රිස්ටල් පැලස් පාපන්දු සමාජයේ අමිත් කුමාරද කහ කාඞ්පත් ලැබූහ.

-036