රාජකීයයෝ ඉනිමක ජයක් වාර්තා කරති

අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ කොළඹ රාජකීය විදුහල සහ හම්බන්තොට දෙබරවැව ජාතික පාසල අතර රාජකීය විදුහල් ක්‍රීඩාංගණයේදී පැවැති II කොටසේ තරගයෙන් ඉනිමක සහ ලකුණු 129 ක ජයක් වාර්තා කිරීමට රාජකීය විදුහල සමත් විය.

එහිදී රාජකීය විදුහලේ පසිඳු සූරියබණ්ඩාර (77) සහ කවිඳු මඳුරසිංහ (නොදැවී 76) අර්ධ ශතක ලබාගත් අතර එම විදුහලේම කෞෂාන් කෞෂල්‍ය ලකුණු 26 කට කඩුලු 6 ක්ද, තරුෂ රවින්ද්‍ර ලකුණු 25 කට කඩුලු 5 ක්ද දවාගනිමින් පන්දුවෙන් දස්කම් දැක්වූහ.

රාජකීය විදුහල් පළමු ඉනිම - ඕවර 81.2 කදී කඩුලු 6 ක් දැවී 293   
(පසිඳු සූරියබණ්ඩාර 77, කවිඳු මඳුරසිංහ නොදැවී 76, අෂාන් වික්‍රමසිංහ 45, ඊෂවර දිසානායක 37, ඉෂාන් දම්සර 94/2)

දෙබරවැව ජාතික පාසල් පළමු ඉනිම - ඕවර 46.5 කදී සියලු දෙනා දැවී 112      
(චතුර ජයනාත් 53, තරුෂ රවින්ද්‍ර 25/5, කෞෂාන් කෞෂල්‍ය 11/2)

දෙබරවැව ජාතික පාසල් දෙවැනි ඉනිම - ඕවර 24 කදී සියලු දෙනා දැවී 52       
(චතුර ජයනාත් 30, කෞෂාන් කෞෂල්‍ය 15/4, කාවින්ද පතිරත්න 14/3)

-036