රවිඳු - පසිඳු මාරිස්ටෙලා විද්‍යාලයට ජය ගෙනෙති

‘සිංගර් කුසලාන’ වයස 19 න් පහළ ක්‍රිකට් තරගාවලියේ පළමු කොටසේ තරගයකදී කොළඹ ශාන්ත ජෝසප් විද්‍යාලයට එරෙහිව ලකුණු 143 ක ජයක් හිමිකර ගැනීමට මීගමුව මාරිස්ටෙලා විද්‍යාලය ඊයේ (13 වැනිදා) සමත්විය. මෙම තරගය කොළඹ ශාන්ත ජෝසප් විද්‍යාලයීය ක්‍රීඩාංගණයේදී පැවැත්විණි.

ශාන්ත ජෝසප් විද්‍යාලයීය පළමු ඉනිමේදී ලකුණු 22 කට කඩුලු 5 ක් දවාගත් රවිඳු ප්‍රනාන්දු ඉනිම දෙකෙහිදී කඩුලු 8 ක් ද දෙවැනි ඉනිමේදී ලකුණු 20 කට කඩුලු 7 ක් දවාගත් පසිඳු උස්හෙට්ටි ඉනිම දෙකෙහිදී කඩුලු 9 ක් ද දවාගනිමින් මාරිස්ටෙලා විද්‍යාලය ජයග්‍රහණය කරා රැගෙන යාමට සමත්වූහ. රවිඳු ප්‍රනාන්දු (55) අර්ධ ශතකයක් ලබාගනිමින් පිත්තෙන්ද දස්කම් දැක්වීය.

මාරිස්ටෙලා විද්‍යාලය - පළමු ඉනිම - ඕවර 49.3 කදී සියලුදෙනා දැවී ලකුණු 182
(කෙවින් පෙරේරා 44, රවිඳු ප්‍රනාන්දු 29, අමන්ත පෙරේරා 28, ශිරාන් පෙරේරා නොදැවී 22, ශාලින්ද සෙනෙවිරත්න 44/5, අශාන් ද අල්විස් 24/2)

ශා.ජෝසප් විද්‍යාලය - පළමු ඉනිම - ඕවර 31.2 කදී සියලුදෙනා දැවී ලකුණු 82
(දිලේෂ් පෙරේරා 22, රවිඳු ප්‍රනාන්දු 22/5, අෂාන් ප්‍රනාන්දු 13/2, පසිඳු උස්හෙට්ටි 25/2)

මාරිස්ටෙලා විද්‍යාලය - දෙවැනි ඉනිම - ඕවර 41 කදී සියලුදෙනා දැවී ලකුණු 131
(රවිඳු ප්‍රනාන්දු 55, පසිඳු උස්හෙට්ටි නොදැවී 21, කෙවින් පෙරේරා 23, සාලින්ද සෙනෙවිරත්න 47/2, මිරංග වික්‍රමගේ 47/4, ලක්ෂාන් ගමගේ 22/3)

ශා.ජෝසප් විද්‍යාලය - දෙවැනි ඉනිම - ඕවර 45.4 කදී සියලුදෙනා දැවී ලකුණු 88
(ලක්ෂාන් ගමගේ 34, පසිඳු උස්හෙට්ටි 20/7, රවිඳු ප්‍රනාන්දු 52/3)