දේවපතිරාජයේ සුධීර - ජීවක ශතක ලබති

අන්තර් පාසල් වයස 19 න් පහළ ‘සිංගර් කුසලාන’ ක්‍රිකට් තරගාවලියේ මාතර රාහුල විදුහල සහ රත්ගම දේවපතිරාජ විදුහල අතර මාතරදී පැවැති I කොටසේ තරගයෙන් පළමු ඉනිමේ ජයක් වාර්තා කිරීමට දේවපතිරාජ විදුහල සමත් විය.

එහිදී සුධීර වීරරත්න (133) සහ ජීවක ශෂින් (නොදැවී 124) දේවපතිරාජ විදුහල වෙනුවෙන් ශතක ලබාගැනීමට සමත් වූහ. ඔවුන් දෙදෙනා එක්ව දේවපතිරාජ පළමු ඉනිමේ තෙවැනි කඩුල්ල වෙනුවෙන් ගොඩනැගූ සම්බන්ධතාව ලකුණු 252 කි.

රාහුල විදුහල් පළමු ඉනිම - ඕවර 81.5 කදී කඩුලු 9 ක් දැවී 230
(සහන් බණ්ඩාර 59, බිනර සංඛේත් 39, ලකිඳු චමෝද්‍ය 32, පැතුම් මධුෂංක 51/3, සුධීර වීරරත්න 17/2, ඉරුෂක තිමිර 46/2)

දේවපතිරාජ විදුහල් පළමු ඉනිම - ඕවර 75.5 කදී කඩුලු 3 ක් දැවී 307
(සුධීර වීරරත්න 133, ජීවක ශෂින් නොදැවී 124, ඉරුෂක තිමිර 25)

-036