ශාන්ත පීතර විදුහල මුල් ඉනිම ජයගනී

අන්තර් පාසල් වයස 15 න් පහළ ‘සිංගර් කුසලාන’ ක්‍රිකට් තරගාවලියේ බම්බලපිටිය ශාන්ත පීතර විදුහල සහ ගල්කිස්ස සාන්ත තෝමස් විදුහල අතර ශාන්ත පීතර විදුහල් ක්‍රීඩාංගණයේදී පැවැති I කොටසේ තරගයෙන් පළමු ඉනිමේ ජයක් වාර්තා කිරීමට ශාන්ත පීතර විදුහල සමත් විය.

එහිදී පිත්තෙන් මෙන්ම පන්දුවෙන්ද දස්කම් දක්වූ නිමුතු ගුණවර්ධන නොදැවී ලකුණු 58 ක් රැස්කරමින්, ලකුණු 22 කට කඩුලු 3 ක්ද දවාගත්තේය.

සාන්ත තෝමස් විදුහල් පළමු ඉනිම - ඕවර 47.1 කදී සියලු දෙනා දැවී 96
(නිමුතු ගුණවර්ධන 22/3, සන්ෂායි ගුණතිලක 01/2, විනුජ සහන් 23/2)

ශාන්ත පීතර විදුහල් පළමු ඉනිම - ඕවර 55 කදී කඩුලු 7 ක් දැවී 220
(නිමුතු ගුණවර්ධන නොදැවී 58, විනුජ සහන් 42, ස්ටොපාන් සෙනෙවිරත්න 34, සන්ෂායි ගුණතිලක 20, යසිරු රොද්‍රිගූ 27/2, ත්‍රිනාත් සුහේර් 63/2)