ශා.ජෝෂප් විදුහල අවසන් පූර්ව වටයට

ශ්‍රී ලංකා පාසල් ක්‍රිකට් සංගමය සංවිධානය කරන වයස 19 න් පහළ ‘සිංගර් කුසලාන’ අන්තර් පාසල් ක්‍රිකට් තරගාවලියේ I කොටසේ අවසන් පූර්ව වටයට සුදුසුකම් ලබාගැනීමට මරදාන ශාන්ත ජෝෂප් විදුහල සමත් විය.

ශාන්ත ජෝෂප් විදුහල සහ මොරටුව ශාන්ත සෙබස්තියන් විදුහල අතර කොළඹ තර්ටන් විදුහල් ක්‍රීඩාංගණයේදී පැවැති අර්ධ අවසන් පූර්ව තරගය ජය පරාජයෙන් තොරව අවසන් වූ අතර එහිදී ලැබූ ප්‍රසාද ලකුණු සංඛ්‍යාව අනුව ශාන්ත ජෝෂප් විදුහල තරගාවලියේ අවසන් පූර්ව වටයට සුදුසුකම් ලබාගත්තේය.

එහිදී නිපුන් සුමනසිංහ (93) සහ සචින්ත රවිඳු (57) ශාන්ත ජෝෂප් විදුහල වෙනුවෙන් අර්ධ ශතක ලබාගත් අතර නුවනිඳු ප්‍රනාන්දු (90) මහින්ද විදුහල වෙනුවෙන් අර්ධ ශතකයක් ලබාගත්තේය.

ශාන්ත ජෝෂප් විදුහල් පළමු ඉනිම - ඕවර 97.3 කදී සියලු දෙනා දැවී 360
(නිපුන් සුමනසිංහ 93, සචින්ත රවිඳු 57, මිරංග වික්‍රමගේ 35, ජෙහාන් ඩැනියෙල් 32, රෙවාන් කේලි 32, එරාන් ගුණවර්ධන 31, දුනිත් වෙල්ලාලගේ 30, ප්‍රවීන් ජයවික්‍රම 86/4, තරුෂ ප්‍රනාන්දු 30/2)

ශාන්ත සෙබස්තියන් විදුහල් පළමු ඉනිම - ඕවර 80.4 කදී සියලු දෙනා දැවී 211
(නුවනිඳු ප්‍රනාන්දු 90, විංජුක රණසිංහ නොදැවී 24, ප්‍රවීන් ජයවික්‍රම 20, දුනිත් වෙල්ලාලගේ 66/3, ලක්ෂාන් ගමගේ 35/2, මිරංග වික්‍රමගේ 52/2)