Reply To:
Eranda - cb chds hcdsh cdshcsdchdhd
‘සිංගර් කුසලාන’ වයස 19 න් පහළ සීමිත ඕවර ක්රිකට් තරගාවලියේ II වැනි කොටසේ අවසන් පූර්ව වටය සදහා සුදුසුකම් ලබාගැනීමට කුරුණෑගල ශාන්ත ආනා විද්යාලය ඊයේ (19 වැනිදා) සමත්විය.
මොරටුව ශාන්ත සෙබස්තියන් විද්යාලයීය ක්රීඩාංගණයේදී පැවැති අර්ධ අවසන් පූර්ව වටයේ තරගයකදී කරන්දෙණිය මධ්ය මහා විද්යාලයට එරෙහිව කඩුලු 3 ක ජයක් හිමිකර ගැනීමට කුරුණෑගල ශාන්ත ආනා විද්යාලයට හැකිවිය.
කාසියේ වාසිය දිනාගත් ශාන්ත ආනා විද්යාලය පළමුව පන්දුවට පහරදිම සදහා කරන්දෙණිය මධ්ය මහා විද්යාලයට ආරාධනා කළ අතර ඕවර 39.5 කදී සියලුදෙනා දැවී ඔවුන්ට රැස්කිරීමට හැකිවූයේ ලකුණු 163 ක් පමණි.
දිමුත් සඳරුවන් (58) අර්ධ ශතකයක් ලබාගනිමින් කරන්දෙණිය මධ්ය මහා විද්යාලය වෙනුවෙන් පිත්තෙන් දස්කම් දැක්වූ අතර පසිඳු තෙන්නකෝන් ලකුණු 11 කට කඩුලු 4 ක් දවාගනිමින් ශාන්ත ආනා විද්යාලය වෙනුවෙන් පන්දුවෙන් දස්කම් දැක්වීය.
ජයග්රහණය සදහා ලකුණු 164 ක ඉලක්කයක් හඹාගිය ශාන්ත ආනා විද්යාලය ඕවර 35 කදී කඩුලු 7 ක් දැවී ඉලක්කය පහසුවෙන් ජයගැනීමට සමත්විය.
පිත්තෙන් දස්කම් දැක්වූ පුබුදු ගනේගම (නොදැවී 64) අර්ධ ශතකයක් රැස්කරමින් ශාන්ත ආනා විද්යාලය අවසන් පූර්ව වටය සදහා රැගෙන යාමට සමත්විය.
ජනෙත් කෞශාල් සහ දිනුප ක්රිශ්ණ කඩුලු 3 බැගින් දවාගනිමින් පන්දුවෙන් දස්කම් දැක්වූහ.
කරන්දෙණිය ම.ම.විද්යාලය - ඕවර 39.5 කදී සියලුදෙනා දැවී ලකුණු 163
(දිමුත් සඳරුවන් 58, ඉශාර මදුවන්ත 36, ජනෙත් කෞශාල් 20, පසිඳු තෙන්නකෝන් 11/4, රංදීර ක්රිශාන් 16/2, පුබුදු ගනේගම 36/2)
ශා. ආනා විද්යාලය - ඕවර 35 කදී කඩුලු 7 ක් දැවී ලකුණු 164
(පුබුදු ගනේගම නොදැවී 64, ජනෙත් කෞශාල් 33/3, දිනුප ක්රිශ්ණ 45/3)
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.